Apple

international warranty and more...

 Aug 7, 2017    სმარტფონები  სიახლეები, Apple, iPhone SE 2018

შემდეგი თაობის iPhone SE 2018 წლის პირველ ნახევარში გამოვა

ყველასათვის მოულოდნელად, iPhone SE ძალიან წარმატებული სმარტფონი გამოდგა Apple-ის ფანებსა თუ მომხმარებლებს შორის. ამის მთავარი მიზეზი კი გახდა ის, რომ აღნიშნული სმარტფონი სხვა iPhone-ებთან შედარებით უფრო ხელმისაწვდომი და იაფი იყო, გარდა ამისა კი მას ძველი iPhone-ების ტრადიციული პატარა ზომის ეკრანი გააჩნდა, რომელიც, როგორც აღმოჩნდა ახლაც კი მოთხოვნადი და პოპულარულია, რაც არ უნდა უცნაურად ჟღერდეს. ეს რა საკვირველია, გამართლებულ პროდუქტს სიქველი აუცილებლად სჭირდება, რის გამოც Apple-ისგან მალე მოსალოდნელია ახალი, მეორე თაობის iPhone SE-ის გამოშვება.ახლანდელი SE-ს ფანებს ცოტათი დასწყდებათ გული იმის გაგებით, რომ ახალი სმარტფონის ყიდვა წელს არ შეეძლებათ და მისი გამოსვლა ჯერ-ჯერობით არ იგეგმება. მიუხედავად იმისა, რომ წინა თვეში გავრცელებული პატაკი იუწყებოდა, რომ განახლებული მოდელის გამოსვლა აგვისტოში იგეგმებოდა, ახალი ინფორმაციის თანახმად, ის ჯერ მზად არ არის გამოსვლისთვის.

Wistron - ტაივანური კომპანია, რომელიც ლიცენზირებული იქნა Apple-ის მიერ ახალი iPhone SE-ს აწყობაზე, აპირებს თავისი ქარხნის ექსპანსიას ინდოეთში. iPhone SE-ის წარმოების ახალი ხაზი დაემატება Wiston-ის ქარხანას, რომელიც ბანგალორეში მდებარეობს. ტაივანური გიგანტი უკვე მოლაპარაკებებშია ადგილობრივ ხელისუფლებასთან, რათა გაიცეს ნება წარმოებისთვის გამოყოფილ უფრო ფართე ადგილებზე, რაც Wistron-ს მისცემს წარმოების არა მხოლოდ გაორმაგებას, არამედ გასამმაგებასაც. წყაროები იუწყებიან, რომ Wistron-ი ახალ iPhone SE-ს წარმოებას შემდეგი წლის პირველ კვარტალში დაიწყებს. ასევე, სმარტფონი თავდაპირველად ინდურ ბაზარზე იქნება ხელმისაწვდომი, ხოლო შემდეგ ეტაპობრივად სხვა ქვეყნებშიც იქნება. გარდა ამისა, რადგანას სმარტფონი ინდოეთში აიწყობა, განბაჟების ფასების 10%-იანი ეკონომიის ხარჯზე, შემდეგი თაობის iPhone SE მოსალოდნელია, რომ უფრო იაფი იქნება.