Apple

international warranty and more...

 Jun 26, 2018    ინოვაციები  Apple, homepod, iPhone X, iPhone, ZOOMMER, Apple iPhone, airpods, Apple Airpods, Beats, earphones, apple earphones, yursasmenebi, iPhone yrsasmenebi, zoommer apple, zoommer airpods, Samsung Gear, Alexa, Amazon alexa, google home

Apple-ი ორი ახალი ყურსასმენების გამოშვებას გეგმავს

კომპანია Apple-ი უკვე საკმაოდ დიდი ხანია დაკავებულია ყურსასმენების ბიზნესით, იქნება ეს თავიანთი პროდუქტი, როგორიცაა AirPods თუ Beats ბრენდის ქვეშ მყოფი სხვადასხვა ვარიაციის თუ მოდიფიკაციის ყურსასმენები, თუმცა, როგორც Bloomberg-ი იტყობინება, კუპერტინოელები უკვე შემდეგ წელს თავისი მუსიკალური კატეგორიის პროდუქციას კიდევ უფრო გაზრდიან, შედეგად მომხმარებელსაც უფრო დიდი არჩევანი ექნება.

როგორც ჩანს, კომპანია აპირებს პრემიუმ ხაზის AirPods-ების გამოშვებას, ასევე ახალი თაობის HomePod-ის და Apple-ის დაბრენდირებული პირველი ყურზე გასაკეთებელი ყურსასმენები.

ახალ AirPods ყურსასმენებს ექნებათ ხმის დამხშობი ტექნოლოგია, რომელიც გარე მიკროფონების საშუალებით იმუშავებს, შეეძლება ჩაიწეროს გარე ხმები და სწორედ მათ ხარჯზე დაახშოს გარე ხმა, რაც ავტომატურად იმუშავებს და მომხმარებელს ყოველ ჯერზე არ მოუწევს დახშობის რეგულირება. ყურსასმენები ამჯერად ასევე წყალგაუმტარი, უფრო სწორედაც - შხეფგამძლე იქნება წვიმისა და ოფლის წინააღმდეგ.

კომპანია ასევე შეეცდება მაქსიმალურად გაზარდოს დაჭერის დისტანცია, რათა iPhone-სგან შეიძლებოდეს უფრო შორს წასვლა მუსიკის მოსმენის შეწყვეტის გარეშე. Apple-ი ასევე ფიქრობს ბიომეტრიული სენსორის დამატებაზე და ყურსასმენებში შესაძლოა სამომავლოდ გულის ცემის სენსორიც ჩაშენდეს, დაახლოებით ისე, როგორც ეს ადრე Samsung Gear ყურსასმენებს ჰქონდა. ამ ყველაფრის გამო კი ფასმა შესაძლოა მოიმატოს და $159-ზე ძვირიც კი ღირდეს.

იმისათვის, რომ კომპანიამ ყურსასმენების ისეთ პრემიუმ ბრენდებს გაუწიოს კონკურენცია, როგორიცაა Bose და Senheiser, Apple-ი აპირებს ყურს ზემოთ გასაკეთებელი პრემიუმ ყურსასმენების გამოშვებას და ისინი დიდი ალბათობით Beats ბრენდზე მაღლა იდგება ფასით თუ ფუნქციონალურობით. სინამდვილეში, როგორც წყარო იტყობინება, კომპანიას მათი გამოშვება წელს ჰქონდა დაგეგმილი, თუმცა გარკვეული პრობლემების გამო შემდეგ წელიწადზე გადაიწია. ჯერ-ჯერობით უცნობია ინფორმაცია, ექნება თუ არა ყურსასმენებს ხმის დამხშობი სისტემა, თუმცა ფაქტი ერთია, რომ AirPods-ის მსგაvსად მათაც ექნებათ W1 ჩიპსეტი, რომელიც iPhone-თან ან ნებისმიერი Apple-ის სხვა მოწყობილობასთან დაკავშირებას ძალიან მარტივს გახდის.

HomePod-ის გაყიდვების სტატისტიკით თუ ვიმსჯელეთ, პრიდუქტი საკმაოდ წამგებიანი აღმოჩნდა Apple-ისთვის, რის გამოც კომპანია ამზადებს სიქველს, რომელიც დიდი ალბათობით ბევრად უფრო იაფი იქნება და თავის თავში ჩაიტევს ისეთ საკვანძო თვისებებს, რის გამოც Google Home და Amazon-ის Alexa არიან პოპულარულები.