Apple

international warranty and more...

 Apr 3, 2018    ტაბლეტები  ipad, ipad pro, iPhone, ZOOMMER, ზუმერი, iPad apple. Apple, iPhone 7, iPhone 7 plus, 7 Plus, New ipad, iPad Air, Macbook, Apple Appliances, digital, აიპადი, აიფონი, ტაბი, Tab, Tablet, Students, ტაბლეტი

Apple-ის ახალი iPad სტუდენტის საუკეთესო მეგობარია!

27 მარტს Apple-მა ცოტათი უჩვეულო ღონისძიება ჩაატარა, რომელიც გაიმართა ჩიკაგოს ერთ-ერთ საშუალო სკოლაში და არა როგორც ყოველთვის - კუპერტინოში. ეს იმიტომ, რომ კომპანიამ ახალი პროდუქტები სწორედ საგანმანათებლო სპექტრზე გათვალა და წარადგინა ხელმისაწვდომი iPad-ი, რომელსაც ახლა Apple Pencil-ის მხარდაჭერა აქვს.

გასულ წელს კომპანიამ ხელმისაწვდომი 9.7 ინჩიანი iPad წარმოგვიდგინა, რომელიც A9 პროცესორზე მუშაობდა და $400-მდე ღირდა. წლევანდელი iPad სწორედ მისი გაგრძელებაა, არის ბევრად უფრო გაძლიერებული და ამავდროულად უფრო ხელმისაწვდომიც ღირს.

2018 წლის iPad-ის დიზაინში არანაირი ცვლილებაა. ეს ისევ ისეთი ცნობადი მოწყობილობაა, რომელსაც ყველა ცნობს პირველივე დანახვისას. კერძოდ ის iPad Air-ის სრულად ალუმინის კორპუსშია მოქცეული, არის საკმაოდ თხელი (7.5მმ) და მჩატე.

წინა მხარეს ეკრანს გარშემო საკმაოდ დიდი ჩარჩოებია და iPad Pro 10.5-ივით წვრილი არ არის, თუმცა რა თქმა უნდა ეს გამართლებულია მოწყობილობის ფასით. აქვე LCD ტიპის Retina ეკრანია 2048 x 1536 რეზოლუციით და პიქსელების 264 სიმჭიდროვით.

მას ამჯერად შეუძლია Apple Pencil-ის აღქმა, რომლითაც მომხმარებელს შეუძლია თავისი კრეატიულობის გამოვლენა: დახატვა, დაწერა, მოსწავლე - სტუდენტისთვის კი ეს იდეალური ინსტრუმენტია საკონსპეკტოდ და სასწავლებლად, თუმცა აღსანიშნავია რომ Pencil კვლავ ცალკე იყიდება და $99 ღირს, თუმცა Logitec-თან თანამშრომლობაში კომპანიამ $49-იანი Crayon კალამი შეიმუშავა, რომელსაც ზუსტად იგივე ფუნქციები აქვს და უფრო ხელმისაწვდომიცაა.

განახლდა პროცესორი და ახალი iPad-ი ამჯერად Apple-ის A10 Fusion ჩიპსეტზე მუშაობს, რომელიც iPhone 7 და 7 Plus-ში გვხვდებოდა. ეს რა თქმა უნდა iPad Pro 10.5-ის გაძლიერებული A10X არ არის, თუმცა Fusion-იც მშვენივრად გაუმკლავდება ნებისმიერ ამოცანას. პროცესორს მხარს უჭერს 2GB ოპერატიული, რომელიც Android მოწყობილობებთან შედარებით შესაძლოა ბევრი არაა, თუმცა Apple-ის მოწყობილობისთვის ის ძალიანაც ოპტიმალურია. შიდა მეხსიერება 32GB არის, თუმცა არსებობს უფრო მაღალი კონფიგურაციაც უფრო მეტი 128GB მეხსიერებით რა საკვირველია უფრო მაღალი ფასითაც. ბატარეის მილიამპერაჟი ცნობილი არ არის, თუმცა კომპანია სტანდარტულ 10 საათს გვპირდება გამოყენების დროს.

უკანა კამერა 8 მეგაპიქსელიანია, შეუძლია 1080P ვიდეოს გადაღება და Apple-ს ძირითადად სურს, რომ მომხმარებლებმა ის თავის ARKit დამხმარე რეალობის პლატფორმაში გამოიყენონ იქნება ეს გასართობი თუ საგანმანათებლო ამოცანებში. წინა მხარეს FaceTime HD კამერაა მოთავსებული ვიდეო ზარებისთვის.

Apple-ის ახალი iPad ძირითადად Google-ის Chromebook-ენთან კონკურირებისთვისაა შექმნილი და როგორც უკვე აღვნიშნეთ, პოზიციონირდება საგანმანათლებლო სფეროებზე, როგორიცაა სკოლები და უნივერსიტეტები, მათთვის კი აგრეთვე სპეციალური ფასიც იქნენა და ისინი iPad-ს $299-ად შეიძენენ, რიგითი მომხმარებლისთვის კი ფასი $329-ს შეადგენს, რაც ასევე საკმაოდ ხელმისაწვდომია.