Apr 20, 2016    ლეპტოპები

კომპანია Apple-მა რამდენიმე საათის წინ პრეს რელიზი გაავრცელა, რომლითაც მომხმარებელს 12 ინჩიან MacBook-ებში განხორციელებული სიახლეების შესახებ ამცნო. ახალ MacBook-ებს Intel-ის უახლესი პროცესორები, გაუმჯობესებული გრაფიკა, უფრო სწრაფი flash მეხსიერება და ელემენტის გამძლეობის დამატებითი 1 საათი ექნება.

ამიერიდან ახალი MacBook ოთხ ფერში იქნება ხელმისაწვდომი: Silver, Gold, Space Grey და Rose Gold
როგორც Apple აცხადებს, 12 ინჩიანი Retina ეკრანით, Force Touch trackped-ით, USB-C პორტითა და და ძალიან გამძლე ელემენტით აღჭურვილი ახალი MacBook-ი ლეპტოპების მომავალი გახდება. პროცესორის სიმძლავრე 1.3 გიგაჰერცია (Turbo Boost up to 3.1 GHz), მას აქვს Intel HD Graphics 515 ვიდეო დაფა, რომელიც 25%-ით უფრო ძლიერია მის წინამორბედზე.
გარდა 12 ინჩიან ვერსიაში განხორციელებული ცვლილებებისა, Apple-მა 13 ინჩიან MacBook Air-ებიც განაახლა და ყველა მათგანზე 8GB-იანი ოპერატიული მეხსიერების სტანდარტი დაამატა.
სიახლეებია ფრაისინგშიც - 12 ინჩიანი MacBook 1.1 GHz პროცესორით (Turbo Boost up to 2.2 GHz), 8GB ოპერატიული მეხსიერებითა და 256 GB flash მეხსიერებით 1,299$ ღირს. 1.2 GHz dual-core Intel Core m5 პროცესორი, 8GB ოპერატიული მეხსიერება და 512 GB ფლეშ მეხსიერება 1,599$. სხვა დეტალების გაგება შესაძლებელია Apple-ის ოფიციალურ ვებ გვერდზე www.apple.com/macbook