Apple

international warranty and more...

 Mar 13, 2018    სმარტფონები  სმარტფონი, Apple, smartphone, iPhone X, iPhone, Phone, mobile phone, მობილური, ZOOMMER, ზუმერი, ტელეფონი, Asus, Zenfone, Asus Zenfone 5, Asus Zenfone 5Z, ZenEmoji, emoji, Zenfone 4, Cell Phone

Asus-მა ახალი ZenFone 5 ან უბრალოდ თავისი iPhone X გამოუშვა

2018 წლის მობილური ტექნოლოგიების მსოფლიო კონგრესზე კომპანია Asus-მა თავისი ახალი სმარტფონები გამოუშვა, უფრო კონკრეტულადაც კი ორი სმარტფონი, რომელიც სხვადასხვა საფასო კატეგორიაზე პოზიციონირდება.

ახალი Asus Zenfone 5Z და ZenFone 5 ზუსტად ერთნაირ დიზაინს იყენებენ, განსხვავება მხოლოდ ტექნიკურ მონაცემებშია. მათი პირველი ნახვისას ეჭვი შეგეპარებათ, რომ აშკარად სხვა კომპანიის სმარტფონს უყურებთ, მაგრამ ეს ასე არ არის. Asus-მა ფაქტობრივად თავისი iPhone X შექმნა “ნახევარკუნძულოვანი” წინა ნაწილის იერ-სახითა და უკანა ვერტიკალურად განთავსებული კამერებით. საინტერესო ისაა, რომ კომპანიის მარკეტინგის გლობალურ სათავეში მდგომი Marcel Campos-ი არც კი მალავს ამ ფაქტს, თუმცა მაინც აღნიშნავს: “ბევრმა შესაძლოა ეს Apple-ის კოპირებაში ჩაგვითვალოს, მაგრამ ჩვენ არ შეგვიძლია უარვყოთ ის, რაც ხალხს სურს. ტრენდებს აყოლა კი ამ შემთხვევაში გარდაუვალია”.

მიუხედავად Apple-ის კოპირებისა, წინამორბედებისგან ახალი ფლაგმანები ბევრად უკეთესად გამოიყურებიან და ბევრი წინსვლაც იგრძნობა, თუნდაც ის, რომ Zenfone 5 და 5Z-ს 6.2 ინჩიანი ეკრანები აქვთ 5.5 ინჩიან Zenfone 4-ის ზომაში. ფაქტობრივად მათი ეკრანისა და კორპუსის შეფარდება ~85%-ია, რაც სწორედ შევიწროებული კანტების ხარჯზეა გაკეთებული. Amoled-ის ნაცვლად კომპანია სტანდარტულ LCD-ს იყენებს FHD+ რეზოლუციით და 18.5:9 ასპეკტური ფარდობით.

5-სა და 5Z-ს შორის ყველაზე დიდი სხვაობა ისაა, თუ რა პროცესორზე მუშაობენ ისინი. სტანდარტული ZenFone 5 Asus-ისთვის საშუალო კლასის სმარტფონია და მათ Snapdragon 636 მოათავსეს მასში, რომელიც შესაძლოა საშუალო კლასის სეგმენტს ეკუთვნის ბიუჯეტით, თუმცა წარმადობით საერთოდ არ ჩამოუვარდება გასული წლის ფლაგმანურ გადაწყვეტილებებს. მეორე მხრივ, ZenFone 5Z მუშაობს Qualcomm-ის უახლეს Snapdragon 845 პლატფორმაზე Adreno 630 ვიდეო ამაჩქარებლით და ჩაშენებული ხელოვნური ინტელექტის ქვე-პროცესორით. მეხსიერება Zenfone 5-ში ტრადიციული 4 ან 6 ოპერატიულისა და 64GB შიდა მეხსიერების კომბინაციაა, თუმცა ZenFone 5Z მომხმარებელს დიდ არჩევანს სთავაზობს. გარდა 4 ოპერატიული და 64 შიდა კომბინაციისა, არის ასევე 6/128GB და 8/256GB კომბინაციაც, რაც საკმაოდ კარგია.

კამერის მხრივ, ორივე სმარტფონი ერთსა და იმავე ორმაგ კამერას იყენებს, საიდანაც მთავარი 12 მეგაპიქსელიანია F/1.8 დიაფრაგმითა და 1.4um პიქსელის ზომით, ხოლო მეორე 8 მეგაპიქსელიანი სენსორია F/2.0 დიაფრაგმით და აღსანიშნავია, რომ სტანდარტული პორტრეტული რეჟიმის მეორე კამერის ნაცვლად, Asus-ი მეორე კამერას ფართო ხედვის კუთხისთვის იყენებს, როგორც LG-ის და Motorola-ს ზოგიერთ სმარტფონში გვხვდება. სელფის წინა კამერები 8 მეგაპიქსელიანია F/2.0 დიაფრაგმით და შეუძლია სახის ამოცნობაც.

Asus-მა Apple-სგან Animoji-ც გადმოიღო და ZenEmoji დაარქვა. რა საკვირველია ისინი Apple-ის მსგავსად არ იყენებენ წერტილოვან პროექტორს და სრულფასოვან 3D სკანერს, არამედ მხოლოდ წინა კამერის მეშვეობით მუშაობენ, რაც ნიშნავს იმას, რომ იმდენად გამართულად ვერ იმუშავებენ.

ბატარეა ორივე სმარტფონს 3,300 მილიამპერიანი აქვს და მხარდაჭერილია სწრაფი დამუხტვაც, რომელთა საშუალებით სმარტფონები ნახევარ საათში 50%-მდე დაიმუხტებიან. სამწუხაროდ შუშის უკანა პანელის მიუხედავად Asus-მა არ გადმოიღო Apple-ის ერთ-ერთი სიახლე - უსადენო დამუხტვა.

ორივე Zenfone 5 და 5Z უკვე გაზაფხულიდან გამოვა გაყიდვაში, საიდანაც ფლაგმანური 5Z დაიწყება $499-დან, ხოლო Zenfone 5-ის ფასი ამჯერად უცნობია, თუმცა ბევრად უფრო დაბალ-ბიუჯეტური პროცესორის გამო ფასის ნიშნულა 5Z-ის ფასს ქვემოთ უნდა იყოს. ნებისმიერ შემთხვევაში, ასეთი ფასი Asus-ისგან სრულიად მოულოდნელია, მით უმეტეს როდესაც სმარტფონს უახლესი Snapdragon 845 აქვს.