Apple

international warranty and more...

 Oct 11, 2018    სმარტფონები  სმარტფონი, Google, google pixel, pixel 2, მობილური, ZOOMMER, ზუმერი, ტელეფონი, Pixel 3, google phone, google smartphone, pixel 2XL, პიქსელი, pixel 3 XL, Pixel 3 and Pixel 3 XL, გუგლ პიქსელი

Google - ს ორი ახალი პროდუქტი, Pixel 3 და Pixel 3 XL 9 ოქტომბერს ოფიციალურად წარსდგა მომხმარებლის წინაშე!

და 2018 წლის შემოდგომის სეზონზე, უფრო ზუსტად კი 9 ოქტომბერს Pixel 3 & Pixel 3 XL უკვე ოფიციალურად წარუდგინა Google - მა საზოგადოებას!

პირველ ეტაპზე, მოკლე შედარებისთვის, გეტყვით, რომ XL მოდელს გააჩნია კიდევ უფრო დიდი ეკრანი და ბატარეა. თუმცა, Pixel 3 - იც არ ჩამორჩება მას სიძლიერით. Pixel 3 საც იგივე ჩიპსეტი - Snapdragon 845, კამერა, OS ვერსია, იგივე სპიკერები და უკაბელო დამუხტვის მხარდაჭერა აქვს.

ისევე, როგორც Pixel - ის წინა თაობებისგანაც კარგად გვახსოვს, Google - ს უახლესი სმარტფონები ორიენტირებულია საუკეთესო კამერისა ქონასა და საუკეთესო Android გამოცდილების შეთავაზებაზე.

სმარტფონის მთავარ მახასიათებლებზე უფრო დეტალური საუბარი უნდა დავიწყოთ ბრწყინვალე HDR+ ალგორითმსა და სრულყოფილად მორგებულ პროგრამულ უზრუნველყოფაზე, რამაც შესაძლებელი გახადა სმარტფონის უკანა პანელზე ერთი კამერის დატოვება.

თუმცა, საინტერესოა ისიც, რომ ორმაგი კამერა გამოიყენა მან სმარტფონის წინა ნაწილზე, როგორც Pixel 3 -ში, ასევე 3XL მოდელში.

ოპერაციული სისტემის მხრივ, Google აცხადებს, რომ 3 წლის განმავლობაში ორივე სმარტფონი მიიღებს განახლებებს პირველი და ნებისმიერ დროს თქვენს სმარტფონს ექნება უახლესი ოპერაციული სისტემის მხარდაჭერა!

ახალ სმარტფონებში არსებული Android 9.0 Pie -უახლესი Android ოპერაციული სისტემის ვერსია იდეალურად მუშაობს ორივე სმარტფონზე და არის მაქსიმალურად ჟესტებზე ორიენტირებული.

წელს, კიდევ რამდენიმე სიახლე Google - გან, გახლავთ უკაბელო დამუხტვის მხარდაჭერა, ვარდისფერი კორპუსი, უფრო მაღალი ასპეკტური თანაფარდობის მქონე ეკრანი და სამწუხაროდ თუ საბედნიეროდ, კუნძული ეკრანზე.

გადავიდეთ დიზაინზე და უფრო დეტალურად განვიხილოთ ორივე სმარტფონის ფიზიკური მახასიათებლები:

მაშინ როცა Pixel 2 & 2 XL ერთმანეთისგან ეკრანის გაფართოებით განსხვავდებოდა (Pixel 2 - 16:9 და 2 XL - 18:9) წელს უკვე, ორივე სმარტფონს თანამედროვე და თითქმის თანაბარი თანაფარდობის ეკრანი გააჩნია.

Google Pixel 3 -მა უარი თქვა ეკრანზე არსებულ კუნძულზე და იგი 5,5 ინჩიანი და 18:9 - ზე გაფართოებით, 2160 x 1080 px AMOLED ეკრანით გვევლინება, მაშინ, როცა Pixel 3 XL -ს აქვს 6.3 ინჩიანი 2960 x 1440px AMOLED ეკრანი, 18.5:9 - ზე ასპეკტური თანაფარდობით. აღსანიშნავია, რომ 3 XL - ს აქვს ყველაზე უფრო ფართე კუნძული, ბაზარზე არსებულ კუნძულის მქონე სმარტფონებს შორის. გასქელებულია ქვედა ჩარჩოც, სტერეო სპიკერის დატევის მიზნით.

ორივე სმარტფონს აქვს ალუმინის ჩარჩო, ჰიბრიდული დაფარვით როგორც წინა ასევე უკანა პანელზე, რომელსაც საბოლოო ჯამში Gorilla Glass 5 იცავს. უკანა პანელზე, შენარჩუნებულია ორ ტონიანი დიზაინის ეფექტი, რაც Google -ს Pixel სმარტფონებს ყოველთვის ჰქონდა. თუმცა, სმარტფონები ინარჩუნებენ სისადავესა და მინიმალისტურ დიზაინს, რითაც Google თავიდაანვე ცნობილი გახლდათ.

კიდევ ერთი კარგი სიახლე ის გახლავთ, რომ წელს Google - მა გაზარდა წყლის შეკავების მაჩვენებელი და ახლა ის IP68 რეზისტენტულია, რაც ნიშნავს, რომ წლის ქვეშ, 1.5 მ - ზე 30 წუთის განმავლობაში თქვენს სმარტფონს საფრთხე არ ემუქრება.

ბატარეის მხრივ, აღსანიშნავია აშკარა გაუმჯობესება, რაც გულისხმობს Pixel 3 - ის ბატარეის 2,915 mAh -მდე და Pixel 3 XL - ის 3,430mAh - მდე გაზრდას.