Apple

international warranty and more...

 Jul 5, 2018    სმარტფონები  huawei, smartphone, Huawei Honor, P20, Huawei P20, P20 Lite, Huawei smartphone, Honor 10, ჰონორ 10, Huawei Honor 10, ჰუავეი ჰონორ 10

Honor 10 - სილამაზე ხელოვნურ ინტელექტშია!

სულ რამოდენიმე თვის წინ Huawei-ს ქვე-ბრენდ Honor-მა თავისი ახალი ფლაგმანური სმარტფონი გამოუშვა - Honor 10, რომელიც პრაქტიკულად იგივე Huawei P20 არის, მათ შორის ყველაზე დიდი სხვაობა კი ფასია, რომელიც Honor 10-ის შემთხვევაში ბევრად დაბალია.

Honor-ისთვის სმარტფონების გამოშვების ასეთი ტაქტიკა ახალი არაა, ის ყოველთვის იღებდა Huawei-ს წამყვან, ფლაგმანურ სმარტფონებს და მათ ყველანაირი კომპრომისის გარეშე მომხმარებლებს უფრო დაბალ ფასში და შეიძლება ითქვას უფრო გამორჩეულადაც წარმოადგენდა.

Honor 10-ის დიზაინი ძალიან წააგავს Huawei P20 სერიის დიზაინს. აქ გვხვდება ტრენდული პრემიალური შუშის სენდვიჩის გარეგნობა, რომელსაც ირგვლივ 7000 სერიის ძალზედ მყარი ალუმინის ჩარჩო აკრავს. Huawei P20-ისგან განსხვავებით უკანა მხარეს, კამერა ვერტიკალური განთავსების ნაცვლად, ჰორიზონტალურადაა. აღსანიშნავია ასევე ფერიც, რომელიც შუქზე ცვალებადია და სინათლის მოხვედრისას სხვადასხვაგვარად გარდატეხს მას.

წინა მხარეს, ისევე როგორც Huawei P20 სერიაზე, გვხვდება შემცირებულ ჩარჩოებიანი ეკრანი თავისი “ნახევარკუნძულით”, რომელიც ასევე საკმაოდ წვრილია და თვალში საცემი სულაც არაა, სურვილისამებრ რა საკვირველია მისი დამალვაც შეგვიძლია. ეკრანს რაც შეეხება, ის 5.84 ინჩიანია, დამზადებულია IPS ტექნოლოგიით, რეზოლუცია კი Full HD+ შეადგენს. ქვედა მხარეს სტანდარტულად თითის ანაბეჭდის სენსორია განთავსებული.

Honor 10 მუშაობს Huawei-ს დამზადებულ უახლეს Kirin 970 პროცესორზე, რომელშიც ჩაშენებულია ხელოვნური ინტელექტისთვის განკუთვნილი ცალკეული ქვე-ჩიპსეტი. მას კი მხარს უჭერს 4GB ოპერატიული და 128GB შიდა მეხსიერება. ხელოვნური ინტელექტი პასუხისმგებელია სმარტფონზე შესრულებული სხვადასხვა ამოცანებისთვის, მაგალითად სმარტფონის ასწრაფებაში და უკეთ ოპტიმიზირებაში, რაზეც Honor-ი 18 თვიან გარანტიას იძლევა, რომ პროცესორი დროთა განმავლობაში არ შენელდება, გარდა ამისა, ისევე როგორც Huawei P20 სერიაში, ხელოვნური ინტელექტი კამერაშიც გამოიყენება იმავე პრინციპით, ავტომატურად აყენებს საჭირო პარამეტრებს და ყველაფერს აკეთებს იმისთვის, რომ სურათი მაქსიმალურად კარგი და ხარისხიანი გამოვიდეს.

კამერას რაც შეეხება, ის ორმაგია. მთავარი 16 მეგაპიქსელიანი ფერადი სენსორია, მეორე კი 24 მეგაპიქსელიანი მონოქრომული, რომელიც გვთავაზობს შავ-თეთრ გადაღებასა და მთავარ კამერას პორტრეტული რეჟიმის დროს სიღრმის ამოცნობაში ეხმარება. ორივე სენსორი F/1.8 დიაფრაგმით არის აღჭურვილი დაბალი განათებისთვის. წინა კამერა 24 მეგაპიქსელია F/2.0 დიაფრაგმით.

სმარტფონის ელემენტი 3,400 მილიამპერს შეადგენს, იტენება Type-C პორტით და აქვს სწრაფი დამუხტვაც, რომელიც 50%-ს საკმაოდ მოკლე დროში, 24 წუთში ტენის.

Honor 10 უკვე ხელმისაწვდომია ზუმერის მაღაზიათა ქსელში, მისი ყველაზე დიდი ღირსება კი ფასია, რომელიც სულ რაღაც 1,399₾ შეადგენს.