Apple

international warranty and more...

 Jun 7, 2018    სმარტფონები  huawei, სმარტფონი, smartphone, Honor, mobile phone, მობილური, ჰუავეი, ზუმერი, Huawei Honor, Huawei honor series, zoommer huawei, huaweri honor zoommer, huawei zoommer, honor zoommer, Huawei Honor Play, Huawei Honor Play 7, Play 7, cheap smartphone, ჰუავეი ჰონორი

Honor Play 7 - მსოფლიოში ყველაზე იაფი 18:9 ეკრანის მქონე სმარტფონი

Huawei-ის ქვე-ბრენდ Honor-ის ახალი ფლაგმანური სმარტფონის - Honor 10-ის საანონსო ღონისძიებაზე კომპანიამ ასევე ჩუმად წარადგინა თავისი ახალი ბიუჯეტური კლასის სმარტფონი, რომელიც დღეს-დღეობით მსოფლიოში ყველაზე იაფი მობილური მოწყობილობაა, რომლის ეკრანი ტრენდული 18:9 ფარდობის არის.

ჩინეთში კომპანია მასში სულ რაღაც $95-ს ითხოვს და ფასის გათვალისწინებით ძალზედ გასაოცარია, თუ რა ტექნიკურ მონაცემებს იღებს პოტენციური მომხმარებელი.

როგორც უკვე აღვნიშნე, წინა მხარე ტრენდული 18:9 ფარდობის შემცირებულ ჩარჩოებიანი ეკრანითაა აღჭურვილი, რომლის ზომა 5.45 ინჩია, რეზოლუცია კი HD+ (იგივე 1440 x 720-ზე).

უკანა მხარე მთლიანად ალუმინის unibody კორპუსისგანაა დამზადებული, რაც შეიძლება ითქვას, რომ ასეთ საფასო სეგმენტში ძალიან დიდი იშვიათობაა.

სმარტფონი ამჯერად მუშაობს არა Huawei-ს დამზადებულ პროცესორზე, არამედ Mediatek-ის MT6739-ზე, რომელიც ბაზარზე ერთ-ერთი ყველაზე დაბალ ბიუჯეტურია, თუმცა ამავდროულად ფასის შესაბამისი წარმადობა აქვს. მისი ერთადერთი მინუსი PowerVR GE8100 ვიდეო ამაჩქარებელია, თუმცა ასეთ სეგმენტში თამაშებისთვის სმარტფონის ყიდვა ცოტა არ იყოს და უცნაურია. პროცესორს მხარს 2GB ოპერატიული და 16GB შიდა მეხსიერება უჭერს, რომლის გაზრდა ასევე ჩაშენებული MicroSD ბარათის სლოტის მეშვეობითაა შესაძლებელი, ჯამში 256GB ოდენობამდე.

კამერა ერთია და 13 მეგაპიქსელიანია F/2.0 დიაფრაგმით, არის ფაზური ამოცნობის ავტოფოკუსი და რა თქმა უნდა LED განათებაც, წინ მთელი 24 მეგაპიქსელია F/2.0 დიაფრაგმით, თუმცა ეს არ ნიშნავს, რომ ის უკეთესია, ვიდრე უკანა. აღსანიშნავია, რომ წინაც გვხვდება LED განათება.

ბატარეას რაც შეეხება, ის 3,020 მილიამპერიანია, თუმცა სამწუხაროდ არ გვხვდება სწარფი დამუხტვის მხარდაჭერა. ფერების მიხედვით, მომხმარებელი სამ ფერს შორის ამოარჩევს, რომლებიცაა: შავი, ლურჯი და ოქროსფერი.