Apple

international warranty and more...

 Jun 12, 2018    სმარტფონები  huawei, სმარტფონი, Honor, ZOOMMER, ჰუავეი, Huawei Honor, gaming, Honor Play, play, Huawei gaming, Gaming smartphone, გეიმინგ სმარტფონი, ჰონორი

Huawei გეიმერული სმარტფონის - Honor Play-ის წარსადგენად ემზადება!

თამაშებზე ორიენტირებული სმარტფონები ამ ბოლო დროს გახშირდა და ტრენდში შემოვიდა. სმარტფონების ამ კატეგორიის საწყისი წერტილი Razer-ის ტელეფონი აღმოჩნდა, რომელიც 120 ჰერციანი ეკრანით იქნა აღჭურვილი და ოპტიმიზირებული სპეციალურად გეიმერებისთვის, თუმცა მალევე აღნიშნულ კომპანიას სხცებიც აჰყვნენ, როგორიცაა Xiaomi-ს Black Shark სმარტფონი, Nubia და ასევე Asus-ის გეიმინგ სმარტფონებიც კი.

თამაშზე ორიენტირებული სმარტფონების ტრენდს ამჯერად Huawei-ს ქვე ბრენდი - Honor-ი ჰყვება და აგვისტოში Honor Play-ის წარდგენას აპირებს, რომელიც კომპანიის უახლეს GPU Turbo ტექნოლოგიას გამოიყენებს.

სმარტფონი იმუშავებს Huawei-ს უახლეს Kirin 970 პროცესორზე, რომელიც აღჭურვილია ხელოვნური ინტელექტის ქვე-ძრავით და ის უკვე ახლაც გვხვდება ისეთ ფლაგმანურ სმარტფონებში, როგორიცაა Huawei P20 და P20 Pro, თუმცა ამათთან შედარებით, მიუხედავად ერთნაირი ვიდეო ამაჩქარებლისა, Honor Play აღჭურვილი იქნება GPU Turbo ტექნოლოგიის პროგრამული ოპტიმიზაციით, რომელიც, როგორც კომპანია იუწყება, თამაშების წარმადობას 50%-ით გაზრდის, ამავდროულად კი თამაშების დროს სმარტფონი უფრო ენერგო-ეფექტურიც კი გახდება.

აღსანიშნავია ასევე ისიც, რომ ტექნოლოგია შესაძლებელს გახდის HDR გეიმინგს და უკეთეს ფრეიმრეიტს მოგვცემს თამაშების დროს.

სხვა მხრივ, Honor Play არაფრით განსხვავდება იმ უამრავი სმარტფონისგან, რაც Huawei და Honor-ისგან ვიხილეთ ჯერ მხოლოდ 2018 წლის შუა ნაწილამდე.

წინა მხარეს 6.3 ინჩიანი ზომის ეკრანი გვხვდება FHD+ რეზოლუციით, რომელსაც ზედა მხარეს ნახევარკუნძული გააჩნია. ის სხვათაშორის უფრო განიერია, ვიდრე P20 სერიაზე, თუმცა შედარებით ვიწრო iPhone X-ის ჭრილთან შედარებით.

დიზაინი მთლიანად ალუმინისგანაა შესრულებული, თითის ანაბეჭდის სენსორიც უკანა მხარეს გვხვდება.

Kirin 970 პროცესორს მხარს 4 ან 6GB ოპერატიული მეხსიერება უჭერს, შიდა მეხსიერება კი 64GB-ს შეადგენს, თუმცა MicroSD სლოტის არსებობის ხარჯზე თავისუფლადაა შესაძლებელი მისი გაზრდა ჯამში 256GB-მდე.

კამერა ორმაგია, მთავარი სენსორი 16 მეგაპიქსელიანია F/2.2 დიაფრაგმით, მეორე კი დამხმარე 2 მეგაპიქსელიანი F/2.4 დიაფრაგმის სენსორია, რომელიც უშუალოდ პორტრეტულ ფოტოგრაფიაში იქნება გამოყენებული. როგორც ჩანს, გეიმერულ სეგმენტში Honor-ი საერთოდ არ აქცევს ყურადღებას კამერას, რაც ცოტათი უცნაურია კომპანიისგან, ფოტოგრაფი გეიმერებიც ხომ არსებობენ ბოლო-ბოლო?!

ბატარეა მასიური - 3,750 მილიამპერიანია, რა თქმა უნდა არის სწრაფი დამუხტვის ფუნქციონალი, თუმცა გათვალისწინებულია GPU Turbo-ს ტექნოლოგიაც, რომელიც ენერგო-ეფექტურობას 30%-ით გაზრდის და თამაშების დროს ტელეფონი შედარებით უფრო ნელა დაგვიჯდება.

ფასის და გამოსვლის თარიღის მხრივ, ჯერ-ჯერობით ნაადრევია საუბარი, თუმცა ბევრი მოიაზრებს, რომ Honor Play-ის ფასი $399-ს არ გასცდება, გამოსვლის თარიღი კი თვით კომპანიამ დაადასტურა და Honor Play-ის გამოსვლა აგვისტოს შუა რიცხვებშია დაგეგმილი.