Apple

international warranty and more...

 Jun 21, 2018    სმარტფონები  huawei, smartphone, Honor, ZOOMMER, ზუმერი, P20 Lite, Oneplus 6, gaming, Huawei honor series, ჰუავეი ჰონორი, Gaming smartphone, ჰონორი, Honor 9i, honor series, huawei honor 9i, GPU Turbo, Kirin 659, ჰუავწეი, ჰუავეი ნორონ

Honor 9i - გეიმერული სმარტფონების კატეგორიის ყველაზე ხელმისაწვდომი წარმომადგენელი!

რამოდენიმე კვირის წინ Huawei-ს ქვე-ბრენდი Honor-მა ბაზარზე გეიმერული კატეგორიის ახალი სმარტფონი გამოუშვა - Honor Play, რომელიც ძირითადად შეიქმნა სხვა სათამაშო სმარტფონებთან კონკურენციის გასაწევად, როგორიცაა Razer Phone ან Xiaomi Black Shark. Honor Play-ს განმასხვავებელი საკვანძო თვისება სხვა სათამაშო სმარტფონებისგან განსხვავებით GPU Turbo ტექნოლოგიაა - პროგრამული უზრუნველყოფის აქსელერაცია, რომლის ხარჯზე შესაძლებელი გახდა თამაშებში ვიდეო ამაჩქარებლის წარმადობისა და ფრეიმ-რეიტის გაძლიერება თითქმის 30%-ით, ამავდროულად კი ენერგო-ეფექტურობის შემცირება 50%-მდე თამაშების თამაშის დროს.

Honor Play-სთან ერთად, რომელიც ფასიდან გამომდინარე შეგვიძლია შევრაცხოთ OnePlus 6-ის კონკურენტად, კომპანიამ ბიუჯეტურ კლასში Honor 9i წარმოგვიდგინა, რომელიც თავისი უფროსი ძმის მსგავსად ასევე იქნება აღჭურვილი GPU Turbo აქსელერაციის ტექნოლოგიით.

Honor 9i გარედან თუ შიგნიდან ერთი-ერთში იმეორებს Huawei P20 Lite-ის დიზაინს თუ ტექნიკურ მონაცემებს.

დიზაინი მთლიანად ალუმინისა და შუშისგანაა დამზადებული, რაც 2018 წელს უკვე ტრენდად იქცა დაბალ კლასშიც კი. გვერდითა კანტი Huawei P20 Lite-ისგან განსხვავებით პრიალა პოლირებული ალუმინისგანაა დამზადებული, განსხვავდება კამერის განლაგებაც, რომელიც ჰორიზონტალურად გვხვდება ნაცვლად Huawei-ის ბიუჯეტური სმარტფონის ვერტიკალური განთავსებისა.

წინა მხარეს 5.84 ინჩიანი 19:9 შეფარდების ეკრანია, რომელსაც “ნახევარკუნძული” გააჩნია, თუმცა ისევე როგორც Huawei-ს სხვა სმარტფონებში, მისი დამალვა თავისუფლად არის შესაძლებელი. რეზოლუცია FHD+ არის, დამზადებული კი LCD ტექნოლოგიითაა.

ტექნიკური მახასიათებლების მხრივ, სმარტფონი ბიუჯეტურ Kirin 659 პროცესორზე მუშაობს, რომელიც ბაზარზე უკვე მეორე წელია გვხვდება, თუმცა ამის მიუხედავად საკმაოდ ძლიერია ფასის გათვალისწინებით. ვიდეო ამაჩქარებელი კვლავ Mali-T830MP2 გვხვდება, თუმცა GPU Turbo აქსელერაციის ხარჯზე მისი წარმადობა 30%-ით იქნება გაუმჯობესებული. ჩიპსეტს მხარს უჭერს 4GB ოპერატიული და 64GB შიდა მეხსიერება, რომლის გაზრდა ასევე MicroSD ბარათით არის შესაძლებელი ჯამში 256GB ოდენობამდე, თუმცა ბაზარზე ხელმისაწვდომი იქნება 128GB შიდა მეხსიერებიანი მოდელიც, რომელიც რა საკვირველია უფრო მაღალ ფასად გაიყიდება. ბატარეა 3,000 მილიამპერიანია და არის სწრაფი დამუხტვის ფუნქციაც.

კამერა ორმაგია, მთავარი 13 მეგაპიქსელიანი F/2.0 სენსორია, მეორე კი დამხმარე 2 მეგაპიქსელიანია, რომელიც გვაძლევს საშუალებას გადავიღოთ პორტრეტული რეჟიმის სურათები დაბინდული ფონით. წინა კამერა 16 მეგაპიქსელიანია და აქვს ხელოვნური ინტელექტის გაუმჯობესებები სახისთვის, ასევე აქვს სახის ამოცნობის ფუნქციაც, რომელიც მარტივ განბლოკვაში დაგეხმარებათ.

Honor 9i გაყიდვაში შუა ზაფხულში შემოვა, იქნება ფერების დიდი არჩევანიც, რაც Honor-ისთვის უკვე ტრადიციად იქცა, თუმცა ის ფაქტობრივად იგივე Huawei P20 Lite-ია, რომელიც სხვათაშორის GPU Turbo ტექნოლოგიას ძალიან მალე პროგრამული განახლებით მიიღებს.