Apple

international warranty and more...

 Mar 14, 2018    სმარტფონები  huawei, სმარტფონი, smartphone, iPhone X, Honor 7X, ZOOMMER, ჰუავეი, ზუმერი, Huawei Honor 7C, Honor 7C, Apple iPhone, Apple iPhone X, ახალი სმარტფონი

Huawei-ს ქვე ბრენდმა ახალი ბიუჯეტური სმარტფონი - Honor 7C წარადგინა

ვინც არ იცის, ორი სიტყვით, Honor არის Huawei-ს ქვე-ბრენდი, რომელიც თავის ყურადღებას უშუალოდ სმარტფონებზე ამახვილებს. კომპანია იმავე აწყობის ხარისხს, კომპონენტებს და პროცესორებსაც კი იყენებს, რასაც Huawei-ს სმარტფონები, განსხვავება ხანდახან დიზაინშიც კი არ არის.

ამჯერად Honor-ი თავის ახალ ბიუჯეტურ სმარტფონს წარმოგვიდგენს - Honor 7C, რომელიც 7X-ზე უფრო დაბალი წევრია, თუმცა ძალიან ბევრ იმავე ფუნქციას იზიარებს უფრო გაიაფებულ ფასში. გააჩნია ტრენდული ფარდობის ეკრანი, ორმაგი კამერა და სახის ამომცნობი სისტემა.

Honor 7C-ის დიზაინი მთლიანად მეტალისგანაა დამზადებული ზემოთ-ქვემოთ პოლიკარბონატის ჩარჩოებით, რომლებიც ანტენის როლს თამაშობენ სმარტფონში. უკანა მხარეს Huawei-თვის ტრადიციულად ძალიან სწრაფია, თუმცა ერთი უსაფრთხოების მეთოდს Honor-ი არ დასჯერდა და ისევე როგორც სხვა თავის სმარტფონებშია, 7C-საც დაუმატა სახის ამომცნობი სისტემა. რა საკვირველია ის iPhone X-ივით წერტილოვანი პროექტორებით და მსგავსი ტექნოლოგიით არ მუშაობს, არამედ ეს ჩვეულებრივი სახის ამოცნობაა კამერის დახმარებით, რომელიც არც თუ ისე სანდოა.

წინა მხარეს 7C-ს ტრენდული 18:9 ფარდობის IPS ეკრანი გააჩნია, რომლის ზომა 5.99 ინჩია, რეზოლუცია კი 1440×720 პიქსელს შეადგენს. დაფარულია Gorilla Glass შუშით, რომლის კუთხეები 2.5D ეფექტითაა მომრგვალებული.

სმარტფონი მუშაობს Qualcomm-ის დამზადებულ Snapdragon 450 პროცესორზე, რომელიც გამოირჩევა ბიუჯეტური სმარტფონისთვის კარგი წარმადობითა და ბატარეის მაღალი ენერგო-ეფექტურობით. მას მხარს უჭერს 3GB ოპერატიული და 32GB შიდა მეხსიერება, თუმცა არის უფრო მაღალი მეხსიერების მოდელიც, რომელიც 4 ოპერატიულითა და 64 შიდა მეხსიერებითაა აღჭურვილი. მეხსიერების გაზრდა ასევე MicroSD ბარათითაა შესაძლებელი, არის ორი სიმის მხარდაჭერაც.

კამერა ორმაგია, საიდანაც ერთი სენსორი 13 მეგაპიქსელიანია F/2.0 დიაფრაგმით, ხოლო მეორე 2 მეგაპიქსელიანია და უშუალოდ პორტრეტულ ფოტოგრაფიაში გამოიყენება სიღრმის ამოსაცნობად. წინა მხარეს 8 მეგაპიქსელიანი კამერაა, რომელსაც ასევე აქვს პორტრეტული რეჟიმი.

ბატარეა 3,000 მილიამპერიანია, თუმცა სმარტფონს სწრაფი დამუხტვა არ აქვს. რა საკვირველია, შესაერთებელიც Micro-USB არის და არა Type-C. სმარტფონი უკვე მარტის ბოლოდან გახდება ხელმისაწვდომი, მისი ფასი უცნობია, თუმცა დიდი ალბათობით $200-მდე იქნება.