Apple

international warranty and more...

 Apr 3, 2018    სმარტფონები  huawei, სმარტფონი, smartphone, mobile phone, Innovation, მობილური, ZOOMMER, ჰუავეი, ზუმერი, P20, P20 Lite, Lite, Huawei smartphone, cell phonwe, 2018, 2018 phone, სიახლე

Huawei-მ ახალი საშუალო კლასის P20 Lite წარადგინა

27 მარტს Huawei-მ მსოფლიოს თავისი ახალი ფლაგმანური P20 სერია წარუდგინა, რომელიც ორი სმარტფონისგან - P20 და უფროსი, მსოფლიოში პირველი სამ კამერიანი P20 Pro -სგან შედგება, თუმცა ამით ყველაფერი არ დასრულებულა, კომპანიამ ასევე წარადგინა სერიის ყველაზე ხელმისაწვდომი წარმომადგენელი - P20 Lite, რომელიც ძალზედ მიმზიდველი ფასითა და ხარისხით გამოირჩევა.

ერთი შეხედვით P20 Lite-ი თავისი ძმებისგან არაფრით განსხვავდება, მათ თითქმის იდენტური შუშის დიზაინი გააჩნიათ. Huawei კი არ ნებდება თავისი საშუალო კლასის სმარტფონების წინ წაწევით და განვითარებით.

P20 Lite-ის დიზაინი მთლიანად შუშისა და ალუმინისგანაა დამზადებული. ირგვლივ ალუმინის ჩარჩოა, რომელიც სმარტფონს პრემიალურობას სძენს, უკანა მხარე კი მთლიანად შუშისგანაა დამზადებული. აქვე ვერტიკალურად განთავსებული კამერა და თითის ანაბეჭდის სენსორია, რომელიც P20 და P20 Pro -სგან განსხვავებით წინა მხარეს მოთავსებული არაა, შესაბამისად არ გვხვდება ჟესტური მართვა და წინა მხარეს ვირტუალური სანავიგაციო ღილაკებია.

წინა მხარეს 5.8 ინჩიანი ზომის LCD ეკრანია, რომლის რეზოლუცია 2280 x 1080-ზეა, იგივე Full HD+. მისი შეფარდება ცოტათი განსხვავებულია ტრენდული 18:9-ისგან და 19:9-ს შეადგენს, თითქმის ისევე, როგორც ეს iPhone X-ზეა. ზედა მხარეს აგრეთვე ტრენდული შეჭრილი კანტი - ე.წ “ნახევარკუნძული” გვხვდება, რომელიც ზუსტად P20 და P20 Pro-ს ჭრილების ზომისაა. იმ შემთხვევაში, თუკი ალერგია გაქვთ ნახევარკუნძულებზე, პარამეტრებში სპეციალური ფუნქციაა, რომელიც ჭრილის ირგვლივ ორ ყურს შავ ჩარჩოში მოაქცევს და ჭრილიც დაიმალება. სხვა მხრივ, ჩართულიც რომ იყოს, თამაშებსა და ვიდეოებში ის ავტომატურად იმალება.

სმარტფონი მუშაობს Huawei-ს დამზადებულ საშუალო კლასის Kirin 659 ჩიპსეტზე, რომელმაც უკვე გაითქვა სახელი ოპტიმალური წარმადობითა და მაღალი ენერგო-ეფექტურობით. მას მხარს უჭერს 4GB ოპერატიული და 64GB შიდა მეხსიერება, ხოლო ესეც თუ არ არის საკმარისი, თავისუფლად შესაძლებელია MicroSD ბარათით შიდა მეხსიერების გაზრდა.

ბატარეა 3,000 მილიამპერიანია, რაც საკმაოდ სასიამოვნოა 7.4 მილიმეტეიან თხელ კორპუსში, არის სწრაფი დამუხტვაც და აღსანიშნავია, რომ კომპანიამ Lite სერიაში როგორც იქნა გამოიყენა USB Type-C შესაერთებელი, რომელსაც ასევე გააჩნია სწრაფი დამუხტვის მხარდაჭერაც. რა თქმა უნდა არის 3.5 მილიმეტრიანი ყურსასმენების შესაერთებელიც განსხვავებით P20 და P20 Pro -სგან.

კამერას რაც შეეხება, ის ორმაგია, Leica-ს შემუშავების გარეშე. მთავარი სენსორი 16 მეგაპიქსელიანია F/2.2 დიაფრაგმით და პიქსელის 1.0um ზომით, ხოლო მეორე დამხმარე 2 მეგაპიქსელიანია, რომელიც უშუალოდ პორტრეტულ ფოტოგრაფიაში გამოიყენება ობიექტის ფონიდან იზოლირებისთვის.

წინა კამერა ასევე 16 მეგაპიქსელიანია, თუმცა უფრო მაღალი f/2.0 დიაფრაგმა და პიქსელების უფრო დიდი 1.12um ზომა აქვს. მას ასევე შეუძლია სახის ამოცნობა, რის შედეგადაც შესაძლებელია სმარტფონზე სახის ამოცნობით განბლოკვა, დაახლოებით ისე, როგორც ამას iPhone X აკეთებს.

ყუთიდანვე სმარტფონი უახლესი Android 8.0 Oreo-თი არის აღჭურვილი, რომელიც ტრადიციულად შეფარულია კომპანიის EMUI 8.0 სამომხმარებლო ინტერფეისით.

Huawei P20 Lite საქართველოს ბაზარზე უკვე ხელმისაწვდომია და ის უკვე შეგიძლიათ შეიძინოთ ზუმერის მაღაზიათა ქსელში. ფერებს რაც შეეხება, ის ხელმისაწვდომია შავ, ლურჯ და ოქროსფერ ფერებში.

Huawei P20 Lite - ს შეძენა უკვე ზუმერის ქსელში შეგიძლიათ.
მისი ღირებულება მხოლოდ 995 ლარია.