Apple

international warranty and more...

 Apr 2, 2018    სმარტფონები  huawei, smartphone, iPhone X, Google Pixel 2, Mate 10, Mate 10 Pro, P10, ZOOMMER, ჰუავეი, ზუმერი, P20, P20 Pro, Huawei P20, Huawei P20 Pro, Galaxy S9+, Huawei smartphones, პ20, zoomer

Huawei-მ ახალი ფლაგმანური P20 და P20 Pro წარმოგვიდგინა!

გასულ წელს კომპანია 27 მარტს Huawei-მ P10 და P10 Plus გამოუშვა Leica-ს განახლებული კამერის სისტემებით და გაუმჯობესებული დიზაინით, თუმცა წინამორბედ P9-სთან შედარებაში ის ცოტათი იტერაციული იყო და დიდი ნახტომი არ იგრძნობოდა. ამის მიუხედავად სმარტფონები დიდი პოპულარობით სარგებლობდნენ არა მხოლოდ მსოფლიოს გარშემო, არამედ საქართველოშიც.

27 მარტს 27 მარტს Huawei-მ თავისი ფლაგმანური სმარტფონები განაახლა და P20-ის სერია წარმოგვიდგინა, კერძოდ კი P20 და P20 Pro, რომლებშიც საკმაოდ დიდი წინსვლა იგრძნობა წინამორბედ P10 სერიასთან შედარებით.

დასაწყისისთვის, აქ სრულიად ახალი დიზაინი გვხვდება, რომელიც წინამორბედისგან თავიდან ბოლომდე განსხვავდება. ის ახლა არა მეტალის unibody კორპუსში, არამედ მთლიანად შუშისგანაა დამზადებული ირგვლივ ალუმინის პოლირებული კანტით. კამერა ამიერიდან ვერტიკალურადაა განთავასებული, მასთან ერთად კი ამობრუნდა ლოგოც და Leica-ს წარწერები, რადგან 27 მარტს Huawei-ს თქმით, ეს კამერას პროფესიონალიზმს მატებს.

თითის ანაბეჭდის სენსორი კვლავ წინაა განთავსებული და არსად გამქრალა, თუმცა ამიერიდან ის ალუმინის წვრილი კანტითაა გამოყოფილი, როცა P10 სერიაში ჩაღრმავებული შუშა გვხვდებოდა, რომელიც ცოტათი უფრო ლამაზი და კომფორტული იყო. წინა მხარეს FullView ეკრანი განთავსდა, რომელიც შემცირებული ჩარჩოებით გვხვდება და ზედა მხარეს iPhone X-ის მსგავსი ეკრანის ჭრილი - ე.წ “ნახევარკუნძული” აქვს, თუმცა იმავე iPhone-თან შედარებით ის ორჯერ უფრო წვრილია, რადგან მასში მხოლოდ კამერა, დინამიკი და მიახლოების სენსორია განთავსებული, არ გვხვდება პროექციის და ინფრაწითელი კამერა, თუმცა კომპანიამ მაინც აღჭურვა სმარტფონი სახის ამომცნობი 2D ტექნოლოგიით, რომელიც ღამითაც მუშაობს.

P20-ზე 5.8 ინჩიანი LCD ხოლო P20 Pro-ზე 6.1 ინჩიანი AMOLED ეკრანი გვხვდება, რომელთა გაფართოებები 2244 x 1080-ზეა, ასპეკტური ფარდობები კი 18.7:9-სთან. იმ შემთხვევაში თუკი ნახევარკუნძული არ მოგწონთ, შესაძლებელია მისი გათიშვა, რაც გვერდებზე განთავსებულ ჭრილებს შავი ფერით შეავსებს და ქვედა ჩარჩო ზედას სიმეტრიული გახდება.

ორივე სმარტფონი Huawei-ს დამზადებულ Kirin 970 პროცესორზე მუშაობს, რომელიც უკვე გვხვდებოდა Mate 10 და Mate 10 Pro-ში, თუმცა კომპანიამ ნეირული სო-პროცესორი გააუმჯობესა, რომელსაც უფრო მეტი ამოცანის შესრულება შეუძლია კამერაში და ახლა უკვე მის გარეთაც. ძლიერ პროცესორს მხარს 4GB ოპერატიული მეხსიერება უჭერს P20-ის შემთხვევაში და 6GB ოპერატიული P20 Pro-ს შემთხვევაში. აღსანიშნავია, რომ ორივე სმარტფონს 128GB აქვს ჩაშენებული მეხსიერება, არც მეტი და არც ნაკლები, ხოლო ამდენიც თუ არ გეყოფათ, MicroSD ბარათით შესაძლებელია მისი გაზრდა 256GB-მდე.

ბატარეა P20-ის შემთხვევაში 3,400 მილიამპერიანია, ხოლო P20 Pro-ს შემთხვევაში 4,000 მილიამპერი, ეს ყველაფერი კი სულ რაღაც 7.7 მილიმეტრიან კორპუსში ორივე სმარტფონში. სამწუხაროდ შუშის ანაწყობის მიუხედავად არ გვხვდება უსადენო დამუხტვის ფუნქციონალი, ამოღებულია ყურსასმენების შესაერთებელი, სამაგიეროდ P20 Pro-ს IP67 წყალგამძლეობა აქვს, მცირე P20-ს კი IP53 შხეფგამძლეობა.

კამერების შემთხვევაში 27 მარტს Huawei ძალიან დიდ წინსვლას გვპირდება. P20 ორმაგი კამერითაა აღჭურვილი, საიდანაც მთავარი კამერა 12 მეგაპიქსელიანია f/1.8 დიაფრაგმით, ხოლო მეორე კამერა f/1.6 დიაფრაგმიანი 20 მეგაპიქსელიანი მონოქრომული სენსორია. დამატებულია ახალი ავტოფოკუსური სისტემა, რომელიც ფაზურს, ლაზერულს და სიღრმისეულს აერთიანებს ერთში.

მთავარი სიახლეები P20 Pro-ს ერგო, ეს პირველი სმარტფონია არა ორმაგი, არამედ სამმაგი კამერით. მთავარი კამერის სენსორი 40 მეგაპიქსელიანია f/1.8 დიაფრაგმითა და სმარტფონებში ყველაზე დიდი 1/1.7” სენსორით, რის ხარჯზეც ფოტოები უფრო დეტალური და ხარისხიანი გამოვა. მეორე კამერა ისევე როგორც P20-ში მონოქრომულია f/1.6 დიაფრაგმით, ხოლო მესამე 8 მეგაპიქსელიანი f/2.4 დიაფრაგმის ტელეფოტო სენსორია 3X ოპტიკური მიახლოვებით, რომლის ხარჯზე სმარტფონს ასევე 5X-იანი ჰიბრიდული მიახლოვება შეუძლია.

მეორე თაობის ხელოვნური ინტელექტი საშუალებას იძლევა უფრო დეტალურად და კარგად ამოიცნოს გადაღების პირობები და უკეთესად მოარგოს პარამეტრები. მაგალითისთვის, პორტრეტული კომპოზიციის შექმნისას კამერა ავტომატურად გადავა პორტრეტულ რეჟიმზე, ბევრი ადამიანის შემთხვევაში ფართო კუთხოვან სურათს გადაიღებს, რათა მეტი ხალხი დაატიოს. კომპანიამ ასევე მის ხარჯზე Huawei AIS შეიმუშავა, რომელიც ერთად კრებს ოპტიკურ, ელექტრონულ სტაბილიზაციას და ამ ორივეს ახმარს ხელოვნურ ინტელექტსაც. შედეგად აქ ძალიან კარგი სტაბილიზაცია გვხვდება, რომლის ხარჯზე ასევე შესაძლებელი გახდა პროფესიონალური ფოტოს გადაღება შტატივის გარეშეც, კერძოდ კი მაღალი შეყოვნების სურათს ხელითაც გადაიღებთ (8 წამამდე)

ვიდეოს გადაღებას 960 კადრი/წამში შენელებული რეჟიმი დაემატა, რომელიც 720P რეზოლუციით იღებს ვიდეოს და 0.25 წამის გაწელვა 8 წამამდე შეუძლია. არის პორტრეტული ეფექტი, რომლის საშუალებით პორტრეტულ სურათებზე შესაძლებელია სტუდიოს ტიპის განათებების შემოტანა. აღნიშნული სელფის კამერაზეც მუშაობს, რომელიც f/2.0 დიაფრაგმით 24 მეგაპიქსელიანია.

აღსანიშნავია ის ფაქტიც, რომ DxOMark-ში 27 მარტს Huawei-ს ახალმა სმარტფონებმა ყველანაირი რეკორდი მოხსნეს, სადაც P20-ს 102, ხოლო P20 Pro-ს 109 ქულა მიენიჭა. შედარებისთვის, მესამე ადგილზე 99 ქულით Galaxy S9+ არის, მეოთხე ადგილზე 98 ქულით კი გასული წლის Google Pixel 2-ია.

ინტერფეისის მხრივ ცვლილებები არაა, აქ კვლავ EMUI 8.0 არის, რომელიც Android 8.1 Oreo-ს ზემოთაა დაშენებული.

Huawei P20 ევროპაში უკვე ჩაეშვა გაყიდვაში და მისი ფასი €649-ს შეადგენს, ხოლო P20 Pro-ს გაყიდვები 6 აპრილიდან დაიწყება და მისი ფასი €899 იქნება.