არც თუ ისე დიდი ხნის წინ Mate 10 Pro-ზე მოგიყევით - Huawei-ს უახლეს ფლაგმანურ სმარტფონზე, რომელშიც მსოფლიოში პირველადაა გამოყენებული ხელოვნური ინტელექტისა და ნეირული ქსელის მქონე პროცესორი. ეს ყველაფერი კარგია, თუმცა უნაკლო არაფერია. Mate 10 Pro-ს არ აქვს 3.5 მილიმეტრიანი ყურსასმენების შესაერთებელი და ვინაიდან პრემიუმ ფლაგმანური სმარტფონია, აქვს შესაბამისი ფასიც. რა იქნენოდა, თუკი ზუსტად ისეთივე მახასიათებლების მქონე სმარტფონი იარსებებდა, რომელსაც ცოტა დაბალი ფასი და 3.5მმ-იანი შესაერთებელი ექნებოდა? სწორედ ასეთია Honor-ის ახალი V10.

Honor-ის X სერია ყოველთვის საუკეთესო სმარტფონებით გამოირჩეოდა, რომლებშიც ფასისა და ხარისხის მიხედვით ძალიან კარგი შეფარდებით იყო. Honor 5X იყო პირველი სმარტფონი, რომელმაც საშუალო კლასის სეგმენტს მეტალის კონსტრუქცია და თითის ანაბეჭდის სკანირება წარუდგინა, Honor 6X-მა კი იმავე “ბიუჯეტურ იდეას” ორმაგი კამერა დაუმატა.