არც თუ ისე დიდი ხნის წინ, კერძოდ კი თებერვალში, Motorola-მ თავისი ბიუჯეტური G სერია განაახლა და წარადგინა Moto G5 და Moto G5 Plus-ი, რომლებიც თავიანთ ფასში ძალიან კარგი სმარტფონები გახლდათ, თანაც G სერიაში პირველები იყვნენ, რომლებმაც ამ საფასო კატეგორიაში მომხმარებელს მეტალის ანაწყობი შესთავაზეს, თუმცა აღსანიშნავია, რომ ორივე სმარტფონში მეტალის მხოლოდ და მხოლოდ უკან ამოჭრილი ჩარჩო იყო, გვერდები კი სრიალა პოლიკარბონატისაა, რომელიც ხელში არც თუ ისე სასიამოვნოდ იგრძნობოდა და ზუსტად ეგ იყო სმარტფონების უდიდესი მინუსი.

გასულ წელს Motorola-მ წარადგინა მოდულარული სმარტფონთა ოჯახი - Moto Z ხაზი, რომელიც აერთიანებდა Moto Z, Moto Z Force და Moto Z Play სმარტფონებს თავის MotoMods უკან დასამაგრებელ მოდულებთან. სმარტფონები კომპანიისთვის ძალიან წარმატებული გამოდგა, რის გამოც მათ Z სერიის უფრო დახვეწილი და გაუმჯობესებული მეორე თაობა წარადგინეს.