Apple

international warranty and more...

 Sep 13, 2018    სმარტფონები, ინოვაციები  სმარტფონი, Apple, smartphone, iPhone X, iPhone, ზუმერი, ტელეფონი, Apple iPhone, აიფონი, აიფონ იქსი, new iPhone, iPhone XS, iPhone XS max, ეფლი, ახალი აიფონი, აიფონ 10, iPhone XR, XR

iPhone XR - Apple - ს კიდევ ერთი ინოვაცია!

როგორც უკვე ყველასათვის ცნობილია, Apple -მ 12 სექტემბრის ღონისძიებაზე სამი ახალი სმარტფონი წარმოგვიდგინა: iPhone XS, iPhone XS Max და iPhone XR. აღნიშნულთაგან პირველ ორზე წინა ბლოგში უკვე ვისაუბრეთ, ახლა დროა iPhone XR გავიცნოთ უფრო ახლოდან.

Apple - მ ეკრანისთვის ახალი სახელწოდება შემოიღო და ახლა მას Liquid Retina -ს უწოდებს. სახელს რომ თავი დავანებოთ, პიქსელების სიმჭიდროვე იგივეა, რაც iPhone 8 - ის (326ppi), გარჩევითობა 822 x 1,1792 პიქსელზეა.iPhone XR კვლავ იყენებს LCD ეკრანს, თუმცა, ახლა უკვე მისი გაფართოება (19.5:9) -ზეა, რაც ნიშნავს იმას, რომ ზომით იგი იგივეა, რაც iPhone 8 Plus, თუმცა ეკრანი ახლა უკვე ბევრად დიდ ადგილს იკავებს.

მისი წინამორბედების მსგავსად, ერთმაგი კამერის კუთხით, აქ არაფერი შეცვლილა. აღნიშნული კამერა გახლავთ XS მოდელის კამერის მთავარი მოდული. ახლა მას აქვს უფრო დიდი, 1.4µm პიქსელები და გაუმჯობესებული გადაღების ტექნიკები (Smart HDR, შერჩევითი ბოკეს ეფექტი), რის საშუალებასაც Apple - ს ახალი, A12 ჩიპსეტი გვაძლევს.

ამ მოდელშიც, ისევე როგორც XS და XS Max - ში, Apple - მ სრულიად ამოიღო თითის სკანერი და ახლა სმარტფონის განბლოკვა მხოლოდ სახის სკანერითაა შესაძლებელი. აღსანიშნავია, რომ სამივე ახალი მოდელი იყენებს ე.წ True Depth კამერას, სახის სკანერით განბლოკვისათვის.

თანამოძმეებისაგან განსხვავებით, XR მოდელი ბევრად უფრო ბიუჯეტურია. თუმცა კიდევ ერთი განსხვავება შიდა მეხსიერების ვარიაციებში გვაქვს. მისი მაქსიმუმი XR მოდელში 256GB - ია, მინიმალური შიდა მეხსიერება კი 64GB - ია. ლოგიკურად, საშუალო მეხსიერება 128GB -ს გვთავაზობს.

iPhone XR მოგვაგონებს iPhone 5C - ს თავისი მკვეთრი ფერებით. იგი ხელმისაწვდომი იქნება ლურჯ, ყვითელ, ღია წითელ (უფრო ზუსტად მარჯნისფერ), შავსა და წითელ ფერებში.

64 GB - იანი ვერსიის ფასი განისაზღვრა $750 - ით. მისი წინასწარი შეკვეთა 19 ოქტომბრიდან იქნება შესაძლებელი, ხოლო ოფიციალურად გაყიდვაში 26 ოქტომბერს შემოვა.