Oct 31, 2015    ტაბლეტები, ლეპტოპები

დიდი ზომის 14 დუიმიანი Yoga 700 ძლიერია უახლესი Skylake არქიტექტურის პროცესორით - Intel Core i7 -რომელშიც იტეგრირებულია HD Graphics 520 - ვიდეო ბარათი სტანდარტული გრაფიკული სამუშაოებისათვის, ხოლო დედა დაფაზე ცალკე მოთავსებული და ამავე დროს ბევრად ძლიერი Nvidia GT 940M უზრუნველყოფს თამაშებისა და ძლიერი გრაფიკული მოთხოვნილებების პროგრამების გაშვებას შეფერხებების გარეშე 2GB მოცულობის ვიდეო მეხსიერებით (მობილური სეგმენტის GT სერიის X40 მოდელები ყოველთვის სიძლიერით გამოირჩეოდა ვიდრე სხვები მაგ. X20 ან X30). საბაზისოდ გაყიდვაში იქნება 8GB ოპერატიულითა და 128GB SSD მეხსიერების მოდელები, თუმცა მწარმოებელი 256GB ვარიანტის არჩევანის საშუალებასაც გაძლევთ.



კონვერტირებადი ლეპტოპი 1.6 კილოგრამს იწონის ინტეგრირებული ელემენტით, რომელიც Li-Polymer ტექნოლოგიითაა დამზადებული და ოთხი უჯრედი აქვს, მოცულობა კი 45Wh,რაც საშუალოდ 4-5 საათის გამძლეობას ნიშნავს დაუტვირთავ რეჟიმზე. Yoga 700 აღიჭურვა ორი ცალი USB 3.0 ვერსიის და ერთი ცალი USB 2.0 ვერსიის მაერთებლებით, მოწყობილობის კიდეებზე Card Reader და HDMI ჭრილებსაც იპოვით.



მცირე ზომის Yoga 700, როგორც ზემოთ გითხარით, 11 დუიმიანი მონიტორითაა აღჭურვილი, მას შედარებით დაბალი დონის ტექნიკური დეტალები აქვს. Intel Core M სერიის პროცესორი ინტეგრირებული HD Graphics 515 ვიდეო ბარათის მოდელით, ასევე 40Wh სიმძლავრის ელემენტი სწორედ ის სხვაობაა რასაც პირდაპირ შეამჩნევთ, თუმცა ელემენტის ზომის სიმცირის ხარჯზე შემცირდა წონაც, სწორედ ამიტომ 11 დუიმიანი Yoga 700 სულ რაღაც 1.1 კილოგრამია. შემცირებულია ოპერატიული მეხსიერების რესურსიც რადგან მცირე ზომის Yoga 700 იყენებს 4GB მოცულობის ოპერატიულსა და 128GB მეხსიერებას, ასევე ერთ ცალ USB 3.0 მაერთებელსა და micro-HDMI ინტერფეისს გამოსახულების გადასაცემად.



ზემოთ განხილული მოდელები Full HD მონიტორებსა და 360 გრადუსიანი მობრუნების ღერძებს იყენებენ სხვადასხვა რეჟიმში სამუშაოდ, რაც კონვერტირებადი აპარატებისათვის აუცილებელი ატრიბუტია, შესაბამისად Yoga 700 შესაძლებელია გამოიყენოთ ოთხ სხვადასხვა რეჟიმში (Laptop, Tent, Stand და Tablet).