Apple

international warranty and more...

 Jun 7, 2018    სმარტფონები  სმარტფონი, smartphone, Lenovo, ლენოვო, მობილური, ZOOMMER, ზუმერი, ახალი სმარტფონი, new phone, ბიუჯეტური, მობილური ტელეფონი, Lenovo Z5, z5, lenovo smartphone

Lenovo Z5 - კომპანიის ყველაზე იმედ გამაცრუებელი სმარტფონი

რამოდენიმე კვირის წინ Lenovo-მ თავისი სოციალური მედიის საშუალებით დაიწყო თავისი ახალი სმარტფონის - Lenovo Z5-ის თიზერების გამოქვეყნება. მათზე დაყრდონობით, ახალ ფლაგმანს უნდა ჰქონოდა რეკორდულად უჩარჩო ეკრანი, რომლელიც წინა ნაწილის 95%-ს დაიკავებდა, ექნებოდა 45 დღიანი ელემენტის ხანგრძლივობა და 4 ტერაბაიტიანი მეხსიერება.

Lenovo-ს ასეთ დამაინტრიყებელ თიზერებზე ძალიან ბევრი ტექ-ენთუზიასტი ჭოჭმანობდა და არ სჯეროდა კომპანიის. როგორც იქნა დადგა ანონსის დღე - 5 ივნისი და გაგიკვირდებათ, ტექ-ენთუზიასტები ტყუილად არ უყურებდნენ კომპანიას ეჭვის თვალით. როგორც გაირკვა, Lenovo-მ “Guerilla” ტიპის მარკეტინგი გამოიყენა, რომელიც ორ-აზროვან სიტყვებს იყენებს და მომხმარებელს აბნევს, შედეგად მათ მიიქციეს ხალხის ყურადღება, თუმცა მოლოდინი საერთოდ არ გამართლდა.

კომპანიამ ჩინეთში Lenovo Z5 წარადგინა, რომლის პირველი ტყუილი უჩარჩოო ეკრანია, სინამდვილეში კი მას ზედა მხარეს შეჭრილი კანტი, ე.წ “ნახევარკუნძული” აქვს, ქვემოთ კი ჭრილიანი Android სმარტფონისთვის სტანდარტული ნიკაპი.

ის 19:9 ფარდობის და 6.2 ინჩიანი ზომისაა FHD+ რეზოლუციით, დამზადებულია სტანდარტული LCD ტექნოლოგიით.

შიდა მხარეს რაც შეეხება, როგორც ჩანს, ფლაგმანური სმარტფონი ეს არაა, ვინაიდან Qualcomm-ის შედარებით ბიუჯეტურ Snapdragon 636 ჩიპსეტზე მუშაობს, აქვს 6GB ოპერატიული და არჩევანი 64 და 128GB შიდა მეხსიერებას შორის. თიზერში ნახსენებ 4 ტერაბაიტს ბევრი მოიაზრებდა, რომ სმარტფონს ის ფიზიკურად თუ ვერა, ქლაუდ მეხსიერებაში მაინც ექნებოდა, თუმცა, ყველასთვის მოულოდნელად ეს საერთოდაც გარე მყარი დისკის აქსესუარი აღმოჩნდა.

კამერების მხრივ, მთავარი კამერა ორმაგია, საიდანაც მთავარი სენსორი 16 მეგაპიქსელიანია, მეორე კი 8 მეგაპიქსელიანი, რომელიც უშუალოდ პორტრეტული ფოტოგრაფიისთვის გამოიყენება. კომპანია ასევე ტრენდებს აჰყვა და ხელოვნური ინტელექტის შესაძლებლობები ჩაამატა აქ, რომელიც მანქანურ სწავლებას იყენებს, თუმცა დიდი ალბათობით ესეც “ნასროლი მარკეტინგია”.

ბატარეა 3,300 მილიამპერიანია და სმარტფონს 18 ვატიანი სწრაფი დამუხტვის მხარდაჭერა აქვს USB Type-C პორტიდან. რეკლამაში ნაჩვენები 45 დღიანი ელემენტის ხანგრძლივობა თურმე სმარტფონის დატენვასაც მოიაზრებდა, აწი უკვე გასაკვირი არც არაფერია. სმარტფონი Android 8.1 Oreo-ზე მუშაობს და კომპანიის თქმით, ის მალევე განახლდება Android P-ზე, როდესაც ის ხელმისაწვდომი გახდება.

ფასს რაც შეეხება, Lenovo-სთვის ეს შედარებით ბიუჯეტური მოდელია და ჩინეთში ის $200-დან დაიწყება, თუმცა აღსანიშნავია, რომ ეს საფასო ნიშნულა ცოტათი მოიმატებს იმ შემთხვევაში, თუკი კომპანია მის გამოშვებას გლობალურად გადაწყვეტს, თუმცა ეს საბოლოო ჯერ-ჯერობით ცნობილი არ არის.