Aug 7, 2017    სმარტფონები  meizu, smartphone, pro 7, pro 8

Meizu-მ ორ ეკრანიანი Pro 7 და Pro 7 Plus-ი წარადგინა

Meizu-ს ახალ ფლაგმანურ სმარტფონებზე ივლისში ძალიან ბევრმა ინფორმაციამ გაჟონა, მათ შორის ძალიან დიდი რაოდენობით იყო სურათებიც, რომელშიც ჩანდა, რომ სმარტფონის უკან შავი ჭრილია, თუმცა აქამდე მასზე არაფერი იყო ცნობილი. როგორც იქნა, კომპანიამ ოფიციალურად წარადგინა Meizu Pro 7 და Pro 7 Plus-ი, რომლებსაც უკანა მხარეს, ძალიან უჩვეულოდ, AMOLED ეკრანები აქვთ.

სანამ ჩავეძიებით სმარტფონების ტექნიკურ მახასიათებლებს და სხვა დეტალებს, გამოვიკვლიოთ უკანა ეკრანი და საერთოდ რისთვისაა ის.

როგორც უკვე აღვნიშნე, უკანა მხარეს, ორმაგი კამერების ქვემოთ ამოჭრილ ჭრილში AMOLED ეკრანი იმალება. კომპანიამ მისი შესაძლებლობები პრეზენტაციაზე წარადგინა და ის ძირითადად გამოიყენება შემოსული შეტყობინებებისთვის, ანახებს ამინდს, დროს, შესაძლებელია მუსიკის ჩართვა და ა.შ. მას ასევე სელფი კამერის გამოყენების ფუნქცია აქვს, რაც საშუალებას გვაძლევს უკანა, მაღალ-გაფართოებიანი კამერებით გადავიღოთ ჩვენი პორტრეტი. მართალია საკითხავია, თუ რამდენად მოსახერხებელია უკანა მხარეს განთავსებული ეკრანის გამოყენება, რადგან ის მარცხენა მხარესაა განთავსებული და პატარა ხელების მქონე ხალხს, მით უმეტეს მემარჯვენეებს ძალიან გაუჭირდებათ მისი გამოყენება, თუმცა მიუხედავად ამისა, იდეა მართლაც კარგი ჩანს და რაც მთავარია ასეთი რამ ჯერ არავის გაუკეთებია.

უკანა ეკრანის გარდა, ორ სმარტფონს განსხვავებული მახასიათებლები აქვს. Meizu Pro 7-ს 5.2 ინჩიანი Super AMOLED ეკრანი აქვს, 4GB ოპერატიული და 64GB შიდა მეხსიერება და მუშაობს Mediatek Helio P25 პროცესორზე, ბატარეა კი 3,000 მილიამპერიანია. მეორე მხრივ, Meizu Pro 7 Plus-ს, სახელიდან გამომდინარე, უფრო ძლიერი ტექნიკური მახასიათებლები აქვს. ეკრანი 5.7 ინჩიანია, რეზოლუცია 1080p-ის ნაცვლდ 1440p AMOLED არის, პროცესორი Mediatek Helio P30-ია, ოპერატიული მეხსიერება 6GB, ხოლო შიდა მეხსიერება 64 ან 128GB არის, ბატარეა უფრო დიდი მოცულობის, 3,500 მილიამპერია.

ორივე სმარტფონს Meizu-ს mCharge ტექნოლოგიის დამუხტვა გააჩნია, რომელიც სხვა სმარტფონებთან შედარებით კიდევ უფრო სწრაფი დამუხტვით გამოირჩევა. ფოტოგრაფიის მხარეს, ორივე სმარტფონს უკან 12 მეგაპიქსელიანი ორმაგი კამერა გააჩნიათ, წინ კი 16 მეგაპიქსელიანი სელფის კამერა, თუმცა, როგორც უკვე აღვნიშნე, უკანა კამერებით და უკანვე განთავსებული ეკრანის ხარჯზე შესაძლებელია ძალიან კარგი ხარისხის სელფის და ასევე პორტრეტული ფოტოს გადაღება, სადაც უკანა ფონს ბოკეს ეფექტი დაედება, ისევე როგორც პროფესიონალურ კამერებზე.

ფასს და გამოსვლის თარიღს რაც შეეხება, ორივე სმარტფონი აგვისტოს შუაში ჩაეშვება გაყიდვაში და მათი ფასები შეადგენს $430 და $530-ს.