Apple

international warranty and more...

 Oct 4, 2018    სმარტფონები  Xiaomi, smartphone, მობილური, ZOOMMER, xiaomi smartphone, Mi mix, Mi Mix 2S, xiaomi zoommer, xiaomi mi mix 2S, მი მიქს 3

Mi Mix 3 უკვე ემზადება მომხმარებელთან შესახვედრად!

მიუხედავად იმისა, რომ Mi Mix 2S სულ ცოტა ხანია რაც გაყიდვაშია, Mi Mix 3 უკვე ემზადება მომხმარებელთან შესახვედრად და დიდია ალბათობა იმისა, რომ ის გაყიდვაში 15 ოქტომბერს ჩაეშვას, კიდევ უფრო დაბალი ქვედა ჩარჩოთი, ასაწევი სელფის კამერითა და ეკრანში ჩაშენებული თითის ანაბეჭდის სკანერით.

ყველაზე უფრო საინტერესოდ, ალბათ, აღნიშნული განსხვავებებიდან ასაწევი სელფის კამერა ჟღერს, რომლის ცოცხალი მაგალითი უკვე არსებობსა და იგი Vivo Nex -ია.

საინტერესოა ასევე სმარტფონის ქვედა კანტი, რომელიც არ იქნება იმაზე უფრო მსხვილი, ვიდრე მისივე გვერდითი კანტებია (დაახლ. 3მმ) რაც, რა თქმა უნდა გაზრდის ეკრანის მასურ წილს მის ტანთან შედარებით. აღსანიშნავია, რომ იგი იქნება 5.99 ინჩიანი და ბევრად უფრო მარტივად მოთავსდება ხელში, ვიდრე ამავე გაფართოების სხვა ანალოგები.

აგრეთვე, ამბობენ, რომ ახალ მოდელს ექნება სპეციალური ღილაკი, Xiaomi - ს ხმოვანი ასისტენტის გამოსაძახებლად - Xiao Ai. მართალია, იგი მხოლოდ ჩინურ ენაზე ისაუბრებს, თუმცა, გლობალური ვერსიის შეძენის შემთხვევაში, მას Google Assistant - ის მხარდაჭერა ექნება.

საინტერესოა მისი მონაცემები მეხსიერების მხრივ. Xiaomi Mi Mix 3 - ს ექნება ოპერატიული 6/8GB და შიდა 64/128/256 GB მეხსიერება. მისი ღირებულება კი იმერყევებს 496$ - 627$ შორის.
დეტალური მონაცემები ასე გამოიყურება:

Mi Mix 3 Standard:

- 6GB RAM + 64GB ROM: 3399 Yuan (£383/US$496)
- 6GB RAM + 128GB ROM: 3699 Yuan (£417/$540)
-
8GB RAM + 128GB ROM: 3999 Yuan (£451/$584)
-
8GB RAM + 256GB ROM: 4299 Yuan (£485/$627)

პროცესორის მხრივ, უნდა მოველოდეთ Snapdragon 845-ს, ორმაგ ხელოვნური ინტელექტის მქონე კამერას, Qi უკაბელო დამუხტვის მხარდაჭერას და როგორც უკვე აღვნიშნე, 5.99’’ - იანი Full HD+ გაფართოებას 18:9 - ზე ასპეკტური თანაფარდობით.

ბოლოს კი, საინტერესოა, რომ მოდელი მოგვევლინება შორ სხვადასხვა ფერში: შავი, რომელსაც ექნება ოქროსფერი დეტალები და თეთრი, მოყვითალო ელემენტებით. საუბარია ასევე კერამიკის მოდელზე და სპეციალურ გამოშვებაზე - Ferrari Special Edition.