Apple

international warranty and more...

 Sep 7, 2018    სმარტფონები, ტაბლეტები, ლეპტოპები, ინოვაციები  smartphone, android, ios, app store, play store, Mozilla, firefox, mozilla Firefox, firefox V62, browser, update, browser update

Mozilla აქვეყნებს ახალ update - ებს სხვადასხვა პლატფორმებისთვის, რომელსაც რამდენიმე სასარგებლო ცვლილება ექნება.

Mozilla Firefox ერთ ერთი იმ ბრაუზერთაგანია, რომელიც ყოველ ჩვენგანს ერთხელ მაინც გამოგვიყენებია და დამეთანხმებით, რომ მისი სისწრაფე და მახასიათებლები, ერთ ერთი საუკეთესოა არსებულ ბრაუზერებს შორის. Firefox განახლებებს გვთავაზობს, რომელიც კიდევ უფრო მეტ კომფორტ და საინტერესო მახასიათებლების გაზრდილ რაოდენობას გვპირდება. პირველ რიგში, განვიხილავთ რა თქმა უნდა მობილურის მხარეს.

Firefox for Android ასევე ბლოკავს თრექერებს, რაც საკმაოდ დიდი პლიუსია.Android ვერსია გაუმჯობესდა ე.წ. სქროლის წარმადობით (scrolling performance).

ახალი ვერსიის ტესტირების შემდეგ დადასტურდა, რომ ახლა იგი ბევრად უფრო ნაზი და გლუვია ხელში, ვიდრე მისი წინამორბედი.

თუმცა უნდა აღინიშნოს, რომ მიუხედავად გაუმჯობესებისა, მაინც არ იგრძნობა მისი რესპონსიულობა და არც თუ ისე სასიამოვნო გამოსაყენებელია. ასევე, თუ შევადარებთ Mozilla- ს საკუთარ Firefox Focus და Firefox Rocket-ს, შევნიშნავთ, რომ ისინი ბევრად უფრო სასიამოვნო მოსახმარია, ვიდრე ზევით აღნიშნული გაუმჯობესებული ბრაუზერი.

Desktop ვერსიისთვის რამდენიმე კარგი სიახლეა. სამივე პლატფორმისთვის (Windows, Mac and Linux) ახლა უკვე CSS Variable ფონტებია ხელმისაწვდომი. ეს ნიშნავს იმას, რომ ახლა უკვე ბევრად უფრო ნაკლები ფონტის გადმოწერა მოგიწევთ, ვიდრე წინა ვერსიებში. უფრო დეტალურად რომ განვიხილოთ, თუ აქამდე ერთი კონკრეტული ფონტისთვის ცაკლე გიწევდათ bold, italic თუ სხვა განსხვავებული სტილის ფაილების გადმოწერა, ახლა მხოლოდ ერთი ფაილის ჩამოტვირთვით შეძლებთ სასურველი სტილის გამოყენებას. ეს კი რაღა თქმა უნდა, შეამცირებს ვებ-გვერდის ფაილის ზომას.

Desktop ვერსია macOS - თვის ასევე მიიღებს მუქი რეჟიმის (dark mode) მხარდაჭერას, რომელიც გადაიყვანს გვერდის ფონს მუქ ნაცრისფერზე, ფონტის ფერს კი თეთრით შეცვლის, რომ უკეთ გარჩევადი იყოს მომხმარებლის თვალისთვის. ეს მახასიათებელი ხელმისაწვდომი იქნება macOS Mojave - ს dark mode - თან ერთად, რომელიც წელს გამოვა.

აღსანიშნავია, რომ iOS ვერსია არ განახლებულა.

Firefox v62 ახლა უკვე ხელმისაწვდომია ყველა მხარდაჭერილი პლატფორმისთვის. Android ვერსიას შეიძლება დასჭირდეს გარკვეული დრო, სანამ იგი გამოჩნდება Play Store - ში.