Oct 31, 2017    სმარტფონები  nokia, Nokia 2

Nokia 2 - კომპანიის უახლესი ბიუჯეტური სმარტფონი

Nokia-მ დღეს თავისი ახალი, დამწყები დონის სმარტფონი წარადგინა - Nokia 2, რომელიც შექმნილია მათთვის, ვისაც სმარტფონის ძლიერი შესაძლებლობები არ სჭირდება, არამედ მთავარია ყველაზე ელემენტარული ფუნქციონალი და რა საკვირველია ბატარეის გრძელი სიცოცხლისუნარიანობა.

ზუსტად სიცოცხლისუნარიანობაა აღნიშნული სმარტფონის ძლიერი მხარე, რადგან Nokia-მ ის 4100 მილიამპერიანი ბატარეით აღჭურვა, რომელმაც 2 სრული დღე ადვილად უნდა გაძლოს. ამას დამატებული სპეციალურად შექმნილი Snapdragon 212 ენერგოეფექტური პროცესორი, რის ხარჯზეც ოპერაციების შესრულება ზედმეტი ენერგიის დახარჯვის გარეშე სრულდება. ოპერაციული მეხსიერება მცირე მხარესაა უფრო, რადგან ის აქ 1GB-იანია, ხოლო შიდა მეხსიერება 8, თუმცა, კომპანიის თქმით, შესაძლებელია შიდას გაზრდა 128GB-მდე მეხსიერების ბარათის საშუალებით.

ეკრანი 5 ინჩიანია LTPS-ია 1280 x 720 გაფართოებით, რომელსაც HMD Global-ი თავის კლასში საუკეთესოს ეძახის 1:1300 კონტრასტული ფარდობით და Gorilla Glass 3 შუშის დაცვით. ეს ყველაფერი მდებარეობს “პრემიალურ დიზაინში”, რომელიც დამზადებულია პოლიკარბონატიდან, ხოლო გვერდებს მხარს უჭერს 6000 სერიის ალუმინი.

სმარტფონის უკან 8MP გაფართოების, ავტოფოკუსის მქონე კამერაა განთავსებული LED განათებასთან ერთად, წინ კი 5MP დაბლოკილ-ფოკუსიანი სელფის კამერა.

კავშირგაბმულობის მხრივ, Nokia 2 ყველა თანამედროვე რადიო გადამცემებითაა აღჭურვილი, რაც ნიშნავს რომ 4G LTE ინტერნეტზეც იმუშავებს. ასევე აქვს FM რადიო, Wi-Fi 802.11, Bluetooth 4.1 და რა საკვირველია ყურსასმენების შესაერთებელი. სმარტფონი ასევე IP52 სტანდარტითაა დაცული შხეფების წინააღმდეგ, თუმცა არა წყლის წინაშე.

კომპანიისთვის დამახასიათებლად, Nokia 2 რა თქმა უნდა მუშაობს Google-ის სუფთა Android 7.1.1 საოპერაციე სისტემაზე და რაც არ უნდა გასაკვირი იყოს, კომპანია მომხმარებელს მასზე Android 8.0 Oreo განახლებასაც კი ჰპირდება, რაც უდავოდ ძალიან კარგია!

Nokia 2 სამ ფერთა კონფიგურაციაშია ხელმისაწვდომი: შავი - შავი კორპუსითა და წინა პანელით, თეთრი - თეთრი წინა პანელითა და შავი კორპუსით და სპილენძისფერში - შავი წინა პანელითა და სპილენძისფერი კორპუსით. ფასს რაც შეეხება, Nokia 2 სულ რაღაც $99-ად გაიყიდება, რაც უდავოდ ძალიან კარგი ფასია ასეთი კატეგორიის სმარტფონისთვის.