Apple

international warranty and more...

 Oct 6, 2018    სმარტფონები  smartphone, nokia, ნოკია, android, მობილური, ZOOMMER, ზუმერი, ტელეფონი, Nokia smartphone, Nokia 7.1, Android oreo, android Pie

HMD Global - მა ეს ესაა გამოაქვეყნა ახალი Nokia 7.1 - საშუალო სეგმენტის სმარტფონი, ტრენდული დიზაინით, ხემოსაწვდომ ფასად.

HMD Global - მა ეს ესაა გამოაქვეყნა ახალი Nokia 7.1 - საშუალო სეგმენტის სმარტფონი, ტრენდული დიზაინით, ხემოსაწვდომ ფასად. Nokia 7.1 აგებულია PureDisplay კუნძულის მქონე პანელზე, 1080 X 2280 გაფართოებით და 5.84 ინჩიანი დიაგონალით. ეკრანი დაცულია Gorilla Glass 3 - ით და მხარს უჭერს HDR10 -ს, რაც საკმაოდ იშვიათი მახასიათებელია ამ სეგმენტის სმარტფონებში.

Nokia 7.1 პროცესორის მხრივ მხარს უჭერს საშუალო-სეგმენტის Snapdragon 636 SoC -ს. მას გააჩნია 3 ან 4GB ოპერატიული და 32/64GB შიდა მეხსიერება. ხოლო თუ მეტი მეხსიერება გინდათ, შეგიძლიათ microSD ბარათი გამოიყენოთ.

კამერის მხრივ მონაცემები ასეთია: 8MP f/2.0 სელფის კამერა ხელოვნური ინტელექტის დახმარებით საშუალებას გვაძლევს Face-unlock ( ანუ სახის სკანერი) გამოვიყენოთ. რაც შეეხება მთავარ, უკანა კამერას, იგი 12MP - იანია, f/1.8 დიაფრაგმითა და 5MP - იანი შავ-თეთრი კამერით. კამერები გვთავაზობენ რამდენიმე საინტერესო შესაძლებლობას, მაგალითად როგორიცაა ვიდეოს ჩაწერა ერთდროულად, როგორც წინა, ასევე უკანა კამერით.

Nokia 7.1 -ს გააჩნია 3.060 mAh - იანი ბატარეა, რომელიც მხარს უჭერს სწრაფ დამუხტვას Type-C დამაკავშირებლით. Nokia აცხადებს, რომ სულ რაღაც ნახევარ საათში, შესაძლებელია სმარტფონის 50% - მდე დატენვა.

რაც შეეხება ოპერაციულ სისტემას, იგი მუშაობს Android 8.1 Oreo - ზე და გახლავთ Android One ოჯახის წევრი. იგი ნოემბრის თვეში Android 9.0 Pie - ზე განახლდება. ამასთან 2 წლის განმავლობაში სისტემის მხრივ ყველა მნიშვნელოვან განახლებას და 3 წლიან უსაფრთხოების პაკეტს მიიღებს.

სმარტფონის ზედაპირის 85% მინა ხოლო დანარჩენი ნაწილი ალუმინის ჩარჩოა. ფერებს რაც შეეხება, იგი ხელმისაწვდომია ლურჯ და ფოლადისფერ ფერში (Midnight Blue and Gloss Steel).

სმარტფონის წინასწარი შეკვეთები 5 ოქტომბერს დაიწყო, უშუალოდ კი 28 ოქტომბრიდან გახდება ხელმისაწვდომი მოხმარებლისთვის. რაც შეეხება ღირებულებას, 3GB/32GB დაახლოებით €349, ხოლო 4GB/64GB ვერსია €340 იქნება.