Apple

international warranty and more...

 May 7, 2018    სმარტფონები  huawei, smartphone, iPhone X, HTC, oneplus, ZOOMMER, Huawei P20, Huawei P20 Pro, oneplus5T, 5T, Oneplus6, Oneplus 6, Oneplusone, Oneplus one, Huaweip20, Huaweip20pro, Htcu11, HTCU11Plus, U11, U11plus, U11 Plus

OnePlus 6 სულ ცოტა ხანში მოგვევლინება ტრენდული ნახევარკუნძულიანი ეკრანით!

ჯერ კიდევ რამოდენიმე წლის წინ კომპანია OnePlus-ის შესახებ არავინ იცოდა, თუმცა ყველაფერი რადიკალურად შეიცვალა მაშინ, როდესაც მათ თავიანთი პირველი სმარტფონი - OnePlus One-ი წარმოგვიდგინეს “ფლაგმანთა მკვლელის” სლოგანით. აღნიშნული სლოგანი იმის მიმანიშნებელი იყო, რომ დაბალ ფასად შეგვეძლო შეგვეძინა სმარტფონი, რომელიც ტექნიკური მონაცემებით თუ სხვა რომელიმე თვისებებით არაფრით ჩამოუვარდება ბაზარზე არსებულ სხვა ფლაგმანებს.

წლების მანძილზე კომპანია ხვეწდა თავის სმარტფონებს, ამას კი რა თქმა უნდა დროთა განმავლობაში ფასის ზრდაც მოჰყვებოდა. უკანასკნელი OnePlus 5-ის ფასი $479, 5T-ის საფასო ნიშნულამ კი $549-ს მიაღწია. მართალია ფანებმა ამას სკეპტიკურად უპასუხეს, მაგრამ აღნიშნული სმარტფონები მაინც დიდი რაოდენობით იყიდებოდა, ვინაიდან ფასი სხვა ფლაგმანებთან შედარებით, მაინც დაბალია.

გასულ თვეს კომპანიამ OnePlus 5T-ის წარმოება შეწყვიტა და უკვე დაიწყო OnePlus 6-ის ანონსის ღონისძიების თიზერები და რეკლამები, სმარტფონი მსოფლიოს 16 მაისს, ლონდონში შედგება.

OnePlus 6-ისგან საკმაოდ ბევრ სიახლეს თუ ცვლილებას უნდა ველოდოთ.

პირველ რიგში გაუმჯობესდება სმარტფონის დიზაინი, რომელიც უკვე ტრადიციული ალუმინის Unibody კურპუსიდან შეიცვლება დღეს-დღეობით ტრენდულ შუშის დიზაინზე,რაც ნიშნავს იმას, რომ უკანა პანელი შუშის იქნება, ხოლო ირგვლივ ალუმინის კანტი იქნება, როგორც 2018 წლის თითქმის ყველა ამ მომენტისთვის გამოსულ სმარტფონზე ვიხილეთ. ამჯერად უცნობია, ექნება თუ არა OnePlus 6-ს უსადენო დამუხტვა, შუშის დიზაინის გამო ალბათ იფიქრებთ, რომ ლოგიკურია - უნდა ჰქონდეს, თუმცა მაგალითისთვის, შუშის Huawei P20 და HTC U11 Plus-ს ის რატომღაც არ აქვს.

წინა მხარეს, ბევრისთვის გულდასაწყვეტად, ეკრანში ამოჭრილი ნახევარკუნძული იქნება - ტრენდი, რომელიც თავდაპირველად iPhone X-მა წამოიწყო. აღსანიშნავია, რომ Apple-ისგან განსხვავებით ის ორჯერ უფრო მოკლე იქნება, ვინაიდან არ მოითავსებს 3D სენსორებს და ინფრაწითელ კამერებს, თუმცა სახის ამოცნობის სისტემა მაინც ექნება, როგორც Huawei P20 სერიას. მათთვის, ვისაც ნახევარკუნძული არ სურს, შესაძლებელი იქნება მისი გათიშვა და დამალვა შავი სტატუსის ხაზით, კიდევ ერთხელ - როგორც Huawei P20-ზე.

სმარტფონი იმუშავებს უახლეს Snapdragon 845 პროცესორზე, რომელსაც მხარს 6 ან 8 გიგაბაიტი ოპერატიული დაუჭერს, შიდა კი 64 ან 128 გიგაბაიტი იქნება.

ბატარეის მოცულობა ამჯერად უცნობია, თუმცა რა საკვირველია იქნება ტრადიციული Dash Charge მხარდაჭერა და დიდი ალბათობით ის კიდევ უფრო სწრაფად დატენის ტელეფონს.

კამერა ორმაგი იქნება, თუმცა სამწუხაროდ ჯერ-ჯერობით უცნობია თუ რა ცვლილებებს შეიტანს მასში კომპანია, რას გააუმჯობესებს და რას დატოვებს.

OnePlus 6-ის ღონისძიება 16 მაისს არის დაგეგმილი, თბილისის დროით საღამოს 8 საათზე.