Oct 30, 2015    სმარტფონები

რა ტექნიკური დეტალებია ახალ აპარატში გამოყენებული ? პრემიუმ კლასის კომპონენტები, თუმცა არც ისე გასაოცარი როგორებსაც სხვა მწარმოებლები არ გვთავაზობენ. OnePlus X იყენებს 5 დუიმიან Full HD მონიტორს AMOLED ტექნოლოგიით, ასევე ჩიპსეთს - Snapdragon 801 რომელიც შარშანდელი ფლაგმანების საამაყო დეტალია (Xperia Z3 და G3). გარდა ამისა 3GB ოპერატიული მეხსიერება და 2525mAh სიმძლავრის ელემენტი აპარატის საინტერესო დეტალებია. OnePlus X მოიცავს 16GB მოცულობის შიდა მეხსიერებას რომელსაც მხარს უჭერს microSD ბარათის ჩასადები, რაც შეეხება კომუნიკაციას X ორ სიმიანი მოდელია 4G LTE მხარდაჭერით.



დახვეწილი კორპუსის უკანა მხარეს თქვენ ყურადღებას აუცილებლად მიიპყრობს 13MP გაფართოების კამერა, რომელსაც სამწუხაროდ 4K ვიდეო გადაღების მხარდაჭერა არ აქვს, თუმცა წინა კამერა პორტრეტების მოყვარულთა მძლავრი ხელსაწყოა, რადგან იგი 8MP გაფართოების ფოტოებს იღებს. აპარატის გვერდზე თქვენ შენიშნავთ წინა მოდელში გამოყენებულ შეტყობინებების გადამრთველს რომელიც უზრუნველყოფს სამ სხვადასხვა პროფილზე გადართვას მარტივად. OnePlus X არ იყენებს ფიზიკურ Home ღილაკს, შესაბამისად მას არ აქვს თითის ანაბეჭდის ამომცნობი და აპარატის დამუხტვაც USB-C ტიპის ნაცვლად სტანდარტული micro-USB არხით ხორციელდება.



პროგრამული უზრუნველყოფის მხრივ ცვლილებაა ! OnePlus X იყენებს OxygenOS სისტემას, რომელიც აგებულია Android 5.1.1 ვერსიაზე. პროგრამულ უზრუნველყოფაში თითქმის ყველა საინტერესო დეტალი გადმოტანილია წინა მოდელიდან - OnePlus 2 - თუმცა დამატებულია აპლიკაცია OnePlus Radio. იგი ნებას გრთავთ მარტივად მიუერთდეთ FM სადგურებს და მოუსმინოთ თქვენთვის საინტერესო სიხშირეებს. 16GB შიდა მეხსიერება ცოტა არ იყოს ლიმიტირებულია, თუმცა ჯერ კიდევ სტანდარტულ მაჩვენებლებში ითვლება და ძალიან შემაწუხებელს ვერ ვუწოდებთ.



OnePlus X ნამდვილად ვერ ანაცვლებს შედარებთ ადრე გამოსულ მოდელს - OnePlus 2 თუმცა X განეკუთვნება ისეთი მოდელების სიას რომელსაც ადამიანები გამოიყენებენ მეტი ოსტატობის დასაგემოვნებლად. ახალი აპარატის კონკურენტებად ითვლებიან Honor 7 და Moto X Play. OnePlus X საშუალო სეგმენტის აპარატებში ირიცხება და ნამდვილად არ არის კომპანიის მორიგი „Flagship Killer“. შეგახსენებთ რომ კერამისი კორპუსით დამზადებული მოდელი ლიმიტირებული რაოდენობით გამოვა, მისი გაყიდვები 24 ნოემბრიდან დაიწყება.