Apple

international warranty and more...

 Apr 11, 2018    სმარტფონები  სმარტფონი, iPhone 8, red iphone, ipad, smartphone, iPhone 8 plus, iPhone X, ZOOMMER, ზუმერი, ტელეფონი, Apple iPhone, iPhone 7, აიფონი, 8 Plus, iPod, ios, New, Red color, red iPhone 8, წითელი აიფონი, აიფონ იქსი, აიფონ 8

Apple-მა სპეციალური გამოშვების წითელი ფერის iPhone 8 წარადგინა

9 აპრილს, ორშაბათ დღეს კომპანია Apple-მა თავისი მომხმარებლები მოულოდნელად სრულად ახალი ფერის iPhone 8 და 8 Plus -ით გაახარა. სტანდარტულ ნაცრისფერ, ოქროსფერ და თეთრ ფერებს ამჯერად წითელი შეფერილობაც შეემატა და მომხმარებელმა ამჯერად არჩევანი ოთხ ფერს შორის უნდა გააკეთოს.

Apple-ისთვის წითელი ფერი რა თქმა უნდა მხოლოდ ფერი არაა და გაცილებით უფრო მეტს აღნიშნავს: ეს არის კომპანიის პარტნიორობა საქველმოქმედო ორგანიზაცია “RED”-თან, რომლის მიზანია შეძენილი იმუნური დეფიციტის სინდრომის, ე.წ “აივ ინფექციის” პრევენცია. ორი კომპანიის აღნიშნული პარტნიორობა 2006 წლიდან მომდინარეობს, Apple-ი კი სიმბოლურად ყოველ წელს უშვებს წითელი შეფერილობის პროდუქციას, როგორიცაა მაგალითისთვის გასული წლის წითელი iPhone 7 , iPad-ის წითელი ჩასადებები და წითელი iPod-ები. მათი ღირებულებიდან გარკვეული პროცენტი ქველმოქმედებაში ირიცხება. 11 წლის მანძილზე Apple-მა უკვე 160 მილიონი ამერიკული დოლარი შეაგროვა ქველმოქმედებისთვის, ეს რიცხვი კი წლიდან წლამდე იზრდება.

გასულ წელს Apple-მა თავის iPhone-ების ხაზში პირველად წარადგინა წითელი შეფერილობა, რადგან (Product) RED შეფერილობა მანამდე მხოლოდ აქსესუარებში ან iPod-ებში გვხვდებოდა. წითელი ფერის iPhone 7 -მა ბევრი მომხმარებლის გული დაიპყრო, მაგრამ უმრავლესობა ჭოჭმანობდა სმარტფონის წინა მხარეზე, რომელიც თეთრი იყო და უკანა მხარის წითელ შეფერილობას საერთოდ არ უხდებოდა. ბევრს ეს არ მოსწონდა და კომპანიის მიმართ უკმაყოფილებასაც გამოხატავდნენ, თუმცა Apple-მა როგორც ჩანს შეისმინა მომხმარებელთა აზრი და წითელი ფერის iPhone 8 და 8 Plus -ში ამჯერად შავი ფერის წინა მხარე გვხვდება.

ფერის გარდა დიზაინში ან ტექნიკურ მონაცემებში არანაირი ცვლილება არაა. ეს კვლავ შუშისა და ალუმინის ნარევი ანაწყობია უსადენო დამუხტვის მხარდაჭერით, Retina HD ეკრანით და A11 Bionic ჩიპსეტით, რომელიც შექმნილია ძლიერი წარმადობისა და გაძლიერებული რეალობისთვის. უკანა მხარეს 12 მეგაპიქსელიანი კამერაა პორტრეტული რეჟიმითა და პორტრეტული შუქის რეჟიმით, რაც ფოტოებს სტუდიოს ტიპის განათებასა და დრამატიზმს შემატებს.

წითელი ფერის iPhone 8 და 8 Plus -ზე წინასწარი შეკვეთები უკვე დაწყებულია, ხელმისაწვდომი კი პარასკევიდან იქნება. სმარტფონები სტანდარტულ ფასებითა და მეხსიერების კონფიგურაციებით არის წარმოდგენილი. 64GB წითელი iPhone 8 სტანდარტულად $699-დან დაიწყება, ხოლო 64GB iPhone 8 Plus $799-დან, 256GB მოდელების ფასი $849 და $949-ს შეადგენს.