Apple

international warranty and more...

 Oct 8, 2018    სმარტფონები  სმარტფონი, Xiaomi, smartphone, მობილური, ZOOMMER, ზუმერი, xiaomi smartphone, ქსიაომი, Redmi, Xiaomi Redmi, Redmi Note 6 Pro, Note 6, notch

Redmi Note 6 Pro რამდენიმე მნიშვნელოვანი ცვლილებით გვევლინება!

სულ რაღაც ერთი წლის წინ, Xiaomi - მ გამოუშვა ბიუჯეტური დიდ ეკრანიანი სმარტფონი, Redmi Note 5 Pro, ხოლო მხოლოდ ერთი თვის წინ, ახალი Redmi Note 6 Pro გამოჩნდა ასპარეზზე. ახალ სმარტფონს სულ მცირე განახლებები აქვს აწყობის ხარისხის მხრივ, თუმცა შეინიშნება რამდენიმე მნიშვნელოვანი გაუმჯობესება Redmi Note 5 Pro - თან შედარებით იმ კონკრეტულ მახასიათებლებზე, რომლის ნაკლებობასაც ზემოაღნიშნული სმარტფონი განიცდიდა.

თუ კუნძულს არ მივიღებთ მხედველობაში, სმარტფონი ბევრად უფრო მეტ გამოყენებად სივრცეს გვთავაზობს, ვიდრე მისი წინამორბედი და მას ასევე, უკეთესი screen-to-body თანაფარდობა გააჩნია. შემცირდა გვერდითა კანტები და ქვედა ჩარჩოს სისქე. შესაბამისად ეკრანის ზომა გაიზარდა და ახლა 5.99" ნაცვლად იგი 6.26 ინჩიანია. გაიზარდა სიმაღლეც და თუ Note 5 Pro 18:9 -ზე ასპეკტური თანაფარდობით წარმოგვიდგებოდა, ახლა ის 19:9-ზეა. ის რაც წინამორბედისგან დარჩა სმარტფონს რეზოლუციაა და ის კვლავინდებურად 1080X2280 - ია, IPS LCD პანელიც შემორჩენილია.

ჩიპსეტი იგივეაა - Snapdragon 636 მაგრამ მეხსიერების ვარიაციები ახლა მეტი გვაქვს: 4 ან 6GB RAM 64GB - იანი შიდა მეხსიერებით და 3GB RAM 32GB იანი შიდა მეხსიერებით. სმარტფონი ასევე მხარს უჭერს microSD კარტას, თუმცა თუ მისი გამოყენება გინდათ, მეორე სიმზე უარის თქმა მოგიწევთ.

შედეგი მნიშვნელოვანი გაუმჯობესება კამერას უკავშირდება. ახლა უკვე კუნძულზე განთავსებულია ორი სენსორი ერთის ნაცვლად, 20MP ძირითადი და 2MP სიღრმის ეფექტის შესაქმნელად. უკანა პანელზე კი, ძველი 12MP - იანი ლინზა ჩაანაცვლა ახალმა, უფრო ფართე f/1.9 დიაფრაგმამ, რომელიც საკმაოდ კარგი შეღავათი იქნება დაბალ განათებაზე ფოტოს გადაღებისას.

Redmi Note 6 Pro მისი წინამორბედის მსგავსად 4,000 mAh -იანი ბატარეა აქვს, რომელიც მხარს უჭერს სწრაფ დამუხტვას 2.0 დატენვის სიჩქარით. ოპერაციული სისტემა Android 8.1 Oreo -ა, რომელიც რაღა თქმა უნდა, უკეთესია ვიდრე Android 7.1 Nougat - რომელიც Redmi Note 5 Pro - ში გვევლინებოდა.

დიზაინის მხრივ, Redni 6 Pro -ს ალუმინის კორპუსი გააჩნია და რომ არა კუნძული ეკრანზე, ალბათ წინამორბედისგან ვერც გაარჩევდით.

ხოლო სანამ უფრო დეტალური მიმოხილვა იქნება შესაძლებელი, ნახეთ ვიდეო, რომელიც Xiaomi Redmi Note 6 Pro - ს ძირითად მახასიათებლებს უსვამს ხაზს.