Sep 1, 2017    სმარტფონები  IFA 2017, Xperia XZ1, Xperia XZ1 Compact, Xperia XA1 Plus

Sony-მ ორი ფლაგმანური და ერთი საშუალო კლასის სმარტფონი წარადგინა IFA 2017 გამოფენაზე

მაშინ, როდესაც სხვა კომპანიები ერთ ფლაგმანური სმარტფონის გამოშვებით კმაყოფილდებიან, Sony-მ ბარსელონაში, IFA 2017 გამოფენაზე წარადგინა არა ერთი, არა ორი, არამედ სამი სმარტფონი: ფლაგმანური Xperia XZ1 და Xperia XZ1 Compact და საშუალო კლასის Xperia XA1 Plus.

Xperia XZ1 არის წინა წლის ფლაგმანური Xperia XZ-ს გაგრძელება.

დიზაინის მხრივ ცვლილებები საერთოდ არ შეიმჩნევა, აქ არც 2017 წლის ტრენდული უჩარჩო ეკრანია გამოყენებული. Sony ისევ თავის მოოთხკუთხედო დიზაინს იყენებს მომრგვალებული გვერდებით, რომელსაც Loop Design-ს ეძახის.

წინ Gorilla Glass 5-ის შუშაა განთავსებული, თუმცა დიზაინის ზედა და ქვედა ნაწილი პლასტმასისგანაა დამზადებული.

მონაცემების მხრივ, XZ1-ს 5.2 ინჩიანი ეკრანი აქვს 1080P რეზოლუციით, მუშაობს Snapdragon 835 პროცესორზე და აქვს 4GB ოპერატიული და 64GB შიდა მეხსიერება. კამერა 19 მეგაპიქსელიანია, გააჩნია გიროსკოპზე მიბმული სტაბილიზაცია (არა-ოპტიკური) და XZ Premium-ის მსგავსად, რეკორდული 960fps შენელებული კადრის ვიდეოს გადაღება. წინა კამერა 13 მეგაპიქსელიანია. ბატარეა შემცირდა, ის 2700 მილიამპერიანია, თუმცა qNovo სწრაფი დამუხტვის მხარდაჭერა აქვს.

სმარტფონს ასევე S-Force-ის ტექნოლოგიის სტერეო დინამიკები აქვს განთავსებული წინა მხარეს და დაცულია წყლისგან/მტვერისგან IP65/68 სერტიფიკაციით.

XZ1 Compact-ს ძირითადად ზუსტად იგივე ტექნიკური მონაცემები გააჩნია, მხოლოდ ფლაგმანის შემცირებული ვარიანტია ზომებით, არა მონაცემებით.

ერთადერთი ცვლილება ისაა, რომ სმარტფონს უფრო მცირე ეკრანის ზომა, კერძოდ კი 4.6 ინჩი აქვს, რეზოლუცია კი 720P არის, რაც ამ ზომისთვის ცუდი არ უნდა იყოს 319 პიქსელთა სიმჭიდროვით.

ტექნიკური მონაცემებით, აქაც Snapdragon 835 პროცესორია, რაც 720P ეკრანის კვალობაზე მოსალოდნელია, ძალიან დიდ სიძლიერეს მოგვვემს. ოპერატიული ისევ 4GB-ია, თუმცა შიდა მეხსიერება 32GB-მდეა შემცირებული. ბატარეა აქაც 2700 მილიამპერიანია, კამერა კი ფლაგმანისგანაა, 19 მეგაპიქსელიანია გიროსკოპული სტაბილიზაციით.

წყალგაუმტარობა იგივეა, IP65/68 სერტიფიკაციით.

აღსანიშნავია, რომ Sony მჭიდროდ მუშაობდა Google-თან, რის ხარჯზეც მისი XZ1 სერიის ფლაგმანური სმარტფონები პირველები არიან, რომლებზეც ყუთიდან აყენია Android-ის უახლესი 8.0 (Oreo) ვერსია.

მესამე სმარტფონი, რომელიც Sony-მ წარადგინა, არის საშუალო კლასის XA1 Plus, რომელიც XA1-ის ოჯახს შეუერთდა და ძირითადად XA1-ის გადიდებული ვარიანტია.

ეკრანი 5.5 ინჩიანია, აქვს 1080P რეზოლუცია, მუშაობს Mediatek-ის Helio P20 პროცესორზეხ გააჩნია 3 ან 4GB ოპერატიული და 32GB შიდა მეხსიერება.

კამერა ისევე როგორც XA1-ში, არის 23 მეგაპიქსელიანი, F/2.0 დიაფრაგმით, წინა კამერა კი 8 მეგაპიქსელიანია. ბატარეა 3,430 მილიამპერიანია, არის რა საკვირველია სწრაფი დამუხტვის ფუნქციაც.

სამწუხაროდ Sony ამ სმარტფონში Google-თან გაზიარებულ წინსვლებს არ გვთავაზობს და Android-ის უკვე მოძველებულ 7.0 (Nougat) ვერსიას გვთავაზობს.