Apple

international warranty and more...

 Mar 6, 2018    სმარტფონები, ინოვაციები  სმარტფონი, MWC, smartphone, mobile phone, Vivo, ZOOMMER, ზუმერი, ინოვაცია, Innovnation, უჩარჩო ეკრანი

Vivo Apex - მომავლის სმარტფონი, რომელსაც ამდენი ხანი ველოდით!

ჯერ კიდევ რამოდენიმე ხნის წინ Vivo-მ თავისი პირველი სმარტფონი წარუდგინა საზოგადოებას, რომლის ეკრანშივეა ჩაშენებული თითის ანაბეჭდის ბიომეტრიული სენსორი. ვინაიდან ტრენდში სულ უფრო აქტიურად შემოდის უჩარჩოო ეკრანის მქონე სმარტფონის დიზაინები, ავტორიზაციის ყველაზე პოპულარული მეთოდისთვის კორპუსზე სულ უფრო ნაკლები ადგილი რჩება გამოყოფილი თაობიდან-თაობამდე, სწორედ ამიტომაც, საჭიროა თითის ანაბეჭდის სენსორის გადატანა ეკრანს ქვეშ.

Vivo X20 Plus UD-ში კომპანიამ პირველად გამოიყენა მსგავსი ტიპის ტექნოლოგია მასობრივად, თუმცა ამით განვითარებას არ ჩერდება და მობილური ტექნოლოგიების მსოფლიო კონგრესზე ახალი კონცეპციის სმარტფონი - Vivo Apex წარადგინა. სმარტფონი, რომლის წინა ნაწილის 95% ეკრანს უკავია და ის ფაქტობრივად უჩარჩოა.

Apex-ის ეკრანი 6 ინჩიანია და გამოირჩევა რეკორდულად წვრილი კანტებით. გვერდებსა თუ ზედა მხრიდან ჩარჩოები სულ რაღაც 1.8 მილიმეტრს შეადგენენ, ქვედა ჩარჩო კი 4.3 მილიმეტრიანია, რაც ცუდი საერთოდაც არ არის. კომპანია აღნიშნავს, რომ სამომავლოდ მას აღნიშნული ნიკაპის დაპატარავებაც უნდა, რათა ეკრანი ოთხივე მხრიდან იყოს გარემოცული თხელი კანტებით და სიმეტრიულ დიზაინში დარღვევა არ იყოს.

ასეთი წვრილი ეკრანს გარშემო ჩარჩოების კვალობაზე, ალბათ ბევრს გაგიჩნდებათ კითხვა, თუ სად არის წინა დინამიკი, კამერა თუ მიახლოების სენსორები. სხვა მწარმოებლებისგან, როგორიცაა Apple და Essential უკვე ვნახეთ, რომ სისრულის მისაღწევად საჭირო გახდა ეკრანში შეჭრილი “ნახევარკუნძულების” შემოღება, სადაც უშუალოდ სენსორები და კამერები იმალება, თუმცა Apex-ი სწორედ იმით გამოირჩევა, რომ იგი არ საჭიროებს აღნიშნულ ე.წ “ნახევარკუნძულებს”. Vivo-მ წინა კამერა საკმაოდ ჭკვიანურად განათავსა. ის მოწყობილობის ზემოთაა დამალული და როდესაც მისი გამოყენება გვსურს, ის ავტომატურად ამოდის, წინააღმდეგ შემთხვევაში კი ჩადის კიდევაც. განათების მარეგულირებელი სენსორი ეკრანის ქვეშ მოთავსდა, ხოლო მიახლოების სენსორი ასევე ზემოთ განთავსდა, რომელიც ისევე მუშაობს, როგორც ტრადიციულ სმარტფონებზე.

სალაპარაკო დინამიკისთვის კომპანიამ ინოვაციური გადაწყვეტილება შეიმუშავა - ScreenCasting, რაც გულისხმობს იმას, რომ სმარტფონის ეკრანს ქვეშ განთავსებულია ვიბრაციის ძრავი, რომელსაც შეუძლია ხმის ემულირება, მომხმარებელი კი ხმას ნებისმიერი წერტილიდან გაიგებს, როდესაც ყურს ეკრანს მიადებს.

აღნიშნული ინოვაციების გარდა, Vivo-მ ეკრან-ქვეშა თითის ანაბეჭდის სენსორიც გააუმჯობესა და ის ახლა არა უშუალოდ ერთ წერტილზე მუშაობს, არამედ მთლიანი სმარტფონის ქვედა ნახევარზეა განთავსებული, ამრიგად თითის ანაბეჭდის დარეგისტრირება და კითხვა ნებისმიერი წერტილიდან შეგვიძლია. ექსტრა-უსაფრთხოებისთვის ასევე შესაძლებელია ორი თითის გამოყენება ავტორიზაციისთვის, თუმცა ასეთ შემთხვევაში სმარტფონი ორი ხელით უნდა დაიჭიროთ ყველა ჯერზე, როდესაც განბლოკვა მოგინდებათ.

Vivo-მ 5 მარტს დააანონსა, რომ Apex-ის გამოშვებას 2018 წლის შუა ნაწილში აპირებს და ის Qualcomm-ის უახლეს Snapdragon 845 პროცესორზე იმუშავებს. სხვა დანარჩენი ინფორმაცია, მათ შორის ფასები, სამწუხაროდ ამ დროისთვის უცნობია.