Apple

international warranty and more...

 Jan 31, 2018    სმარტფონები, ინოვაციები  Samsung Galaxy S8, სმარტფონი, Apple, smartphone, oneplus, mobile phone, Innovation, Fingerprint, Vivo, S8, Galaxy S8, TouchID, მობილური, ანაბეჭდის სენსორი, ანაბეჭდი

Vivo X20 Plus UD - პირველი სმარტფონი ეკრანში ჩაშენებული ანაბეჭდის სენსორით

სმარტფონებუს ინდუსტრია სულ უფრო მიიწევს უჩარჩო ეკრანებისკენ, სადაც მოწყობილობების წინა ნაწილი თითქმის მთლიანადაა დაკავებული ეკრანით, თუმცა უარყოფითი მახასიათებლებიდან აღსანიშნავია ის, რომ საჭიროა წინა ნაწილიდან ანაბეჭდის სენსორის სხვა ადგილას, თუნდაც უკან განთავსება. სწორედ ასე მოიქცა Samsung -ი და სენსორი უკანა მხარეს განათავსა Galaxy S8 - ში, თუმცა Apple-მა საერთოდ უარი თქვა TouchID-ზე და მის სანაცვლოდ FaceID სახის ამომცნობი სისტემა დანერგა.

უჩარჩო ეკრანის მქონე დიზაინის ერთადერთი იდეალური გამოსავალი არის თითის ანაბეჭდის ჩაშენება უშუალოდ ეკრანში, თუმცა უმრავლესობა მწარმოებელს ამასთან დიდი პრობლემები ექმნებოდა: ზოგ შემთხვევაში ის ძალიან ნელი, ზოგში კი ნელ მუშაობასთან ერთად, ეკრანში ლაქას ტოვებდა, თუმცა ერთ-ერთ მწარმოებელს ამ საოცნებო კონცეფციის რეალურად ქცევა წარმატებით გამოუვიდა.

ჩინურმა გიგანტმა Vivo-მ, ეკრანში ჩაშენებული თითის ანაბეჭდის ტექნოლოგია ჯერ კიდევ გასული წლის სექტემბერში, IFA გამოფენაზე აჩვენა, შემდეგ კი ცოცხალი პროტოტიპი გამოიტანა 2018 წლის CES, ახლა კი ეს პროტოტიპი რეალურ პროდუქტად იქცა. ეს არის Vivo X20 Plus UD. მართალია სახელი ცოტა უცნაურია, თუმცა ამავდროულად ეს პირველი რეალური სმარტფონია ეკრანში ჩაშენებული თითის ანაბეჭდის სენსორით.

წინა მხარეს X20 Plus UD-ს 6.64 ინჩიანი AMOLED ეკრანი აქვს, რომლის რეზოლუცია 1080×2160 პიქსელს შეადგენს, ხოლო ასპეკტური ფარდობა უკვე ტრენდულ 18:9-ს შევიწროებული გვერდითა და ზედა-ქვედა ჩარჩოებით. (ClearID ეკრანში ჩაშენებული თითის ანაბეჭდის სენსორი მხოლოდ OLED ტიპის ეკრანებზე მუშაობს).

უკანა მხარეს სმარტფონს ორმაგი კამერა აქვს, საიდანაც ერთი 12, ხოლო მეორე 5 მეგაპიქსელიანია და პორტრეტული რეჟიმისთვის მუშაობს. წინ კი ისევ 12 მეგაპიქსელიანი კამერაა. შიგნიდან, სმარტფონი Qualcomm-ის საშუალო კლასის გადაწყვეტილებაზე - Snapdragon 660-ზე მუშაობს, რაც პირდაპირ მიგვანიშნებს იმას, რომ ეს Vivo-ს ფლაგმანური სმარტფონი არაა. პროცესორს მხარს 4GB ოპერატიული და 128GB შიდა მეხსიერება უჭერს, რომლის გაზრდა ასევე MicroSD ბარათითაა შესაძლებელი.

სმარტფონის ბატარეა 3,905 მილიამპერს შეადგენს, არის რა თქმა უნდა ასევე სწრაფი დამუხტვის საშუალებაც, რაზეც მწარმოებელი იუწყება, რომ 15 წუთში ტელეფონი 50%-მდე დაიტენება, რაც უკვე ნორმაა დღეს-დღეობით.

ფასს რაც შეეხება, ის ცოტა აგრესიულია და 600$-მდე შეადგენს. გაყიდვაში კი სმარტფონი 1 თებერვალს ჩაეშვება ჩინეთის რეგიონში.

როგორც ჩანს, ეს Vivo-ს პირველი მცდელობაა ეკრანში ჩაშენებული თითის ანაბეჭდის სენსორიანი სმარტფონის, ამიტომაც მისი ფასი ცოტათი აგრესიულ მხარესაა, თუმცა აღსანიშნავია ისიც, რომ Vivo ფლობს ისეთ კომპანიას, როგორიცაა OnePlus, ხოლო გამოცდილებიდან კი უკვე არავისთვისაა დასამალი, რომ OnePlus-ის სმარტფონები გადარქმეული Vivo-ს ტელეფონებია, ამრიგად მალე შესაძლოა მსგავსი რამ OnePlus 6-ში ვიხილოთ!