Apple

international warranty and more...

 Feb 9, 2018    ჭკვიანი საათები, ინოვაციები  Apple, Xiaomi, Smartwatch, Huami, Azmafit, Applewatch, GPS, GPS+, Mi Fit

Xiaomi Bip - 99$ ჭკვიანი საათი 45 დღიანი ელემენტით

Xiaomi-ს შვილობილმა კომპანია Huami-მ გლობალურად წარადგინა თავისი ახალი ჭკვიანი საათი - Amazfit Bip, რომელსაც 45 დღიანი ბატარეის ხანგრძლივობა აქვს და სულ რაღაც 99$-ად გაიყიდება.

ჭკვიანი საათების პრობლემა დღეს-დღეობით იმაში მდგომარეობს, რომ ისევე როგორც სმარტფონებზე, მათი დამუხტვა თითქმის ყოველ ღამეა საჭირო, რადგან ბევრი ფუნქციონალის გამო ისინი მალე ჯდება. ბოლო წლებში სწორედ ამ პრობლემამ გამოიწვია მათი გაყიდვების საგრძნობი შემცირება, თუმცა Huami-ს როგორც ჩანს, სწორედ აღნიშნული პრობლემის გამოსწორება სურს.

Amazfit Bip-ს სტანდარტული ჭკვიანი საათის ფორმა აქვს, უფრო კონკრეტულად კი ის ძალიან გვაგონებს Apple Watch-ს თავისი მოოთხკუთხედო დიზაინით და მომრგვალებული შუშით, თუმცა არავისთვისაა უკვე საიდუმლო, რომ ჩინური ბრენდებისთვის ყოველთვის სწორედ Apple-ი ხდება ინსპირაციის წყარო და ეს ცუდი სულაც არაა.

საათი სულ რაღაც 31 გრამს იწონის (სილიკონის სამაჯურთან ჩათვლით), გააჩნია 1.28 ინჩიანი (176 x 176 გაფართოების) სენსორიანი ეკრანი, რომელსაც Corning Gorilla Glass 3 სერიის შუშა იცავს. 45 დღიან ბატარეის ხანგრძლივობას 190 მილიამპერიანი ლითიუმ-პოლიმერის ბატარეა უზრუნველყოფს, რომელიც საათს GPS + სპორტის რეჟიმში ჯამში 22 საათს გააძლებინებს. მისი ეკრანი მუდმივადაა ჩართული და სულ აჩვენებს დროს, შეტყობინებებს და გულის ცემას.

მას ასევე Bluetooth 4.0 აქვს და Wi-Fi ქსელებთან შეუძლია დაკავშირება. კომპანიამ ასევე PPG ტიპის გულის ცემის სენსორი ჩააყენა საათში, ასევე აქსელერომეტრის, გეომაგნიტური და ჰაერის წნეხის სენსორები, რომლებიც საათს ეხმარებიან GPS, გარე/შიდა რბენა, სიარულის და ძილის დათვლაში.

სპორტული ფუნქციების გარდა, საათი ასევე უკავშირდება სმარტფონს და შეუძლია შემომავალი ზარების, შეტყობინებების ჩვენება. სმარტფონთან დასაკავშირებლად საჭიროა Xiaomi-ს აპლიკაცია Mi Fit, რომელიც Android 4.4-ის და iOS 8-ის ზემოთ მუშაობს და მომხმარებელს ყველანაირ ინფორმაციას უჩვენებს, როგორიცაა თუ რამდენი ნაბიჯი გაიარა, როგორ ეძინა და რა სპორტული აქტივობები შეასრულა.

ჭკვიანი საათი ხელმისაწვდომი იქნება 4 ფერის კომბინაციაში - შავი, თეთრი, წითელი და მწვანე, ყუთში კი საათთან ერთად USB კაბელი და დასამუხტი დოკი იქნება. კომპანიამ უკვე გადააგზავნა პრესასთან მოსაწვევები, ჭკვიანი საათის გამოსვლა 14 თებერვალს უნდა ველოდოთ გლობალურად, ფასი კი როგორც უკვე აღვნიშნეთ - 99$ იქნება.