Apple

international warranty and more...

 Jun 5, 2018    სმარტფონები  სმარტფონი, Apple, Xiaomi, smartphone, android, iPhone X, ZOOMMER, ზუმერი, ქსიაომი, შაომი, Xiaomi mi8, xiaomi 8th Anniversary, Mi8, Mi8 SE, Mi8 Explorer Edition, Mi8 Series, სიაომი, მი 8, ანდროიდი.

Xiaomi-მ ახალი Mi8 სერია წარადგინა

ჩინეთის ერთ-ერთმა უდიდესმა მწარმოებელმა - Xiaomi-მ დღეს თავისი უახლესი ფლაფმანური სმარტფონები წარადგინა, რომელთა შორისაა Mi8, Mi8 SE და Mi8 Explorer Edition. ციფრი “8” იმიტომ, რომ ეს კომპანიის 8 წლის იუბილეა და ამის ასაღნიშნავად კომპანიამ “7” გამოტოვა.

Mi8 სერია პირდაპირი კოპიოა Apple-ის iPhone X-ის თავის ნახევარკუნძულთან და ვერტიკალურ კამერასთან ერთად. წაგრძელებული ეკრანის ჭრილი ინახავს სახის სკანირების ახალ ინფრაწითელ სენსორებს, რის გამოც ის FaceID-ის ტექნოლოგიასთან კონკურირებს პირდაპირ. წინა მხარეს ასევე ქვედა კანტი - იგივე ნიკაპია, რაც ნიშნავს იმას, რომ კომპანიამ Apple-ის მსგავსი მოკეცილი ეკრანის ტექნოლოგია არ გამოიყენა რათა ის გაექრო.

ტექნიკური მახასიათებლების მხრივ, სმარტფონები საკმაოდ კარგად წარმოაჩენენ თავს. წინა მხარეს Mi8-ზე 6.21” Amoled ეკრანია FHD+ რეზოლუციით. სმარტფონის მფეთქავი გული Qualcomm-ის Snapdragon 845 პროცესორია, რომელმაც AnTuTu-ში რეკორდული ქულა - 301,472 აიღო. მას მხარს 6GB ოპერატიული მეხსიერება უჭერს 64/128 და 256 გიგაბაიტიან შიდასთან ერთად.

კამერების მხრივ, უკან ორმაგი 12 მეგაპიქსელიანი კამერების წყვილია 1.4um პიქსელის ზომითა და 4 ღერძიანი ოპტიკური სტაბილიზაციით. კომპანიამ ასევე AI-პორტრეტ რეჟიმი შემოგვთავაზა, რომელიც ასევე სხვა ტელეფონებზეც მოვა განახლების სახით. წინა მხარეს F/1.8 დიაფრაგმის 20 მეგაპიქსელიანი კამერაა, გვერდით კი ინფრაწითელი კამერა აქვს, რომელიც განბლოკვისთვის გამოიყენება და სახეს სრულ სიბნელეშიც ცნობს.

Mi8 SE არის ფლაფმანთან შედარებით ბიუჯეტური გადაწყვეტილება. წინიდან 5.88” Amoled ეკრანი აქვს იმავე რეზოლუციით, ორმაგი კამერა 12+5MP.კომბინაციით არის, ასევე აღსანიშნავია, რომ ეს პირველი სმარტფონია, რომელიც მუშაობს Snapdragon 710 პროცესორზე.

Mi8 Explorer Edition სერიის ყველაზე ძლიერი და ამავდროულად საინტერესო სმარტფონია. კომპანიამ თითის ანაბეჭდის სენსორი აქ ეკრანში ჩააშენა. მისი უკანა მხარე ასევე ძალიან საინტერესოა გამჭირვალე პანელის გამო, რომლის ხარჯზეც შეგვიძლია სმარტფონის შიდა კომპონენტები ვნახოთ.

ფასების მიხედვით, Mi8 დაიწყება $459-დან, Mi8 SE $349-დან, ხოლო Mi8 Explorer Edition $599-დან.