Apple

international warranty and more...

 Jun 28, 2018    სმარტფონები  Xiaomi, ZOOMMER, Redmi, Xiaomi Redmi, redmi 6, redmi 6A, xiaomi zoommer, Redmi 6 pro, Mi 8, redmi Mi 8

Xiaomi Redmi 6 Pro კომპანიის პირველი ბიუჯეტური სმარტფონია ნახევარკუნძულით

არც თუ ისე დიდი ხნის წინ Xiaomi-მ ჩინეთში თავისი ბიუჯეტური Redmi სერიის ორი ახალი წარმომადგენელი - Redmi 6 და Redmi 6A წარმოგვიდგინა, რომლებიც ფასის, ტექნიკური მონაცემებისა და ხარისხის იდეალური ნაზავი იყო 18:9 ეკრანით და მძლავრი ჩიპსეტით, თუმცა როგორც ჩანს, კომპანიას Redmi 6-ის სერიის წარდგენა ჯერ არ დაუმთავრებია, ვინაიდან რამოდენიმე დღის წინ სერიის კიდევ ერთი, ახალი წარმომადგენელი - Redmi 6 Pro მოგვივლინა.

ბოლო დროს ეკრანის ჭრილები, ე.წ “ნახევარკუნძულები” ძალიან გატრენდდა და ამას რა საკვირველიაXiaomi-ც აჰყვა თავისი ფლაგმანური Mi 8 სმარტფონებით, თუმცა როგორც ჩანს წინა მხარის მსგავსი დიზაინი ექსკლუზიური ფლაგმანებისთვის არ დარჩა. Redmi 6 Pro კომპანიის პირველი Redmi სერიის ბიუჯეტური წარმომადგენელია, რომელსაც ნახევარკუნძულოვანი ეკრანი გააჩნია.

ის 5.84 ინჩიანია Full HD+ რეზოლუციით და 19:9 შეფარდებით. დამზადებულია LCD IPS ტექნოლოგიაზე. ნახევარკუნძული თავის თავში წინა კამერას, დინამიკს და მიახლოვების სენსორს ითავსებს, არ გვხვდება სახის სკანირების სენსორები, თუმცა ამის მიუხედავადაც სმარტფონს მაინც აქვს სახის ამოცნობი ფუნქცია, მაგრამ უარყოფითიდან - მისი გამოყენება ღამით შეუძლებელია და ისევ ტრადიციულ თითის ანაბეჭდის სენსორს უნდა დავჯერდეთ.

დიზაინი მთლიანად ალუმინისგანაა დამზადებული, თუმცა ზემოთ და ქვემოთ პლასტმასის ჩარჩოებია, რომლებიც ანტენის როლს თამაშობენ. iPhone X-ის მსგავსად ასევე კამერაც არის მობრუნებული ვერტიკალურად.

შიდა მხარეს რაც შეეხება, სმარტფონი Qualcomm-ის საშუალო (და უკვე ბიუჯეტურ) ხაზში ყველაზე პოპულარულ - Snapdragon 625-ზე მუშაობს, გააჩნია Adreno 506 ვიდეო ამაჩქარებელი და მხარს უჭერს 3 ან 4 GB ოპერატიული მეხსიერება 32 ან 64GB შიდა მეხსიერებასთან ერთად. აღსანიშნავია, რომ არის MicroSD ბარათის სლოტიც, შესაბამისად შესაძლებელია მეხსიერების გაზრდაც. ბატარეა 4,000 მილიამპერიანია, გააჩნია სწრაფი დამუხტვის მხარდაჭერაც, თუმცა იტენება მოძველებულ Micro-USB პორტის საშუალებით.

კამერა ორმაგია, საიდაც მთავარი სენსორი 12 მეგაპიქსელიანია f/2.0 დიაფრაგმით, ხოლო მეორე დამხმარე 5 მეგაპიქსელიანი კამერაა, რომელიც გამოიყენება უშუალოდ პორტრეტულ ფოტოგრაფიაში სიღრმის ამოცნობისთვის. წინა სელფის კამერა 5 მეგაპიქსელიანია.

სმარტფონის ზუსტი საბაზრო ღირებულება ევროპაში ჯერ-ჯერობით უცნობია, თუმცა ჩინეთში 3/32 კომბინაცია $159 ღირს, ხოლო 4/64 უფრო ძვირი - ₾199.