Apple

international warranty and more...

 Sep 13, 2018    სმარტფონები  სმარტფონი, Apple, smartphone, iPhone X, iPhone, ზუმერი, ტელეფონი, Apple iPhone, აიფონი, აიფონ იქსი, new iPhone, iPhone XS, iPhone XS max, ეფლი, ახალი აიფონი, აიფონ 10

iPhone XS & XS Max

Apple - ს მიერ გამართულ ღონისძიებაზე კომპანიამ ახალი მოწყობილობები წარმოგვიდგინა. მათ რიგებშია iPhone XS & XS Max.

12 სექტემბრის ღონისძიების შემდეგ, მოდი ყველა ერთად დავემშვიდობოთ 2014 წლიდან მოყოლებული iPhone -ს კარგად ნაცნობ დიზაინს, რადგან iPhone X - რომელიც კომპანიამ წინა წელს წარმოგვიდგინა, გახლავთ მომავალი iPhone - ების დიზაინის ერთგვარი გეგმა, რაც მოიცავს სახის სკანერს და ყველასთვის კარგად ნაცნობ ტრენდულ კუნძულს ეკრანზე.

Apple iPhone XS Max

iPhone Xs Max გახლავთ iPhone - ს ისტორიაში ყველაზე დიდი ზომის სმარტფონი, 6.5 ინჩიანი AMOLED ეკრანით. წინა პანელზე არსებული კანტები ახალ მოდელში აღარ გვხვდება, რომელიც ეკრანს ფართო - 19:5:9 თანაფარდობას აძლევს. ახალ ეკრანს აქვს ზუსტად იგივე ზომა, რაც გააჩნია iPhone 8 Plus - ს, თუმცა ამ შემთხვევაში, დამატებითი სიმაღლე დამატებით შიგთავსზეა გათვილილი.

ახალი, "Super Retina" ეკრანი ინარჩუნებს 458ppi პიქსელების სიმჭირდროვეს, თუმცა გაზრდილია რეზოლუცია 1,242 x 2,688px - მდე. ეკრანს კვლავ გააჩნია HDR10 და Dolby Vision - ის მხარდაჭერა. თუმცა, დინამიური დიაპაზონი გაზრდილია 60% - ით.

Touch ID უკვე აღარ არსებობს, იგი სრულად ჩაანაცვლა Face ID - მ. ასევე, Apple -ს სმარტფონებს არ გააჩნია თითის ანაბეჭდის სენსორი უკანა მხარეს. გამოდის, რომ სახის სკანერი ახლა უკვე სმარტფონის განბლოკვის ერთადერთი საშუალებაა.


ორმაგი 12MP - იანი კამერა სრულიად განახლდა.გაუმჯობესებულია ბოკეს რენდერი, რაც საშუალებას გაძლევთ რომ თავად განსაზღვროთ სიღრმე.

სელფის კამერაც რაღა თქმა უნდა, გაუმჯობესდა. 7MP RGB სენსორი გაუმჯობესდა, თუ გარჩევითობით არა, სისწრაფით მაინც.

ვიდეოს გადაღება ახლა უკვე მხარს უჭერს სტერეო აუდიო რეჟიმს.

iPhone XS მოდელებს აქვთ უჟანგავი ფოლადის კორპუსი და გააჩნიათ ახალი ფორმულირება ეკრანის ნაკაწრებისგან დაცვისათვის. Apple აცხადებს, რომ ახალი მოდელები ყველაზე გამძლეა. აგრეთვე, Apple - მ განაცხადა, რომ ახალ სმარტფონებში გაზრდილია წყლის შეკავების დრო და ახლა უკვე, წყლის ქვეშ 2 მეტრზეც კი, ნახევარი საათით სმარტფონი უპრობლემოდ გაგიძლებთ.

რაც შეეხება მეხსიერებას,Apple ძირითად მეხსიერების სიდიდედ 64GB - ს გვთავაზობს, თუმცა სმარტფონის ყველაზე დიდი მეხსიერება 512 GB - ს მოიაზრებს. ეს ერთგვარი პასუხია Android - ის ფლაგმანებისათვის. 256 GB ახლა უკვე შუა კატეგორიაშია.

Apple iPhone XS

ჭეშმარიტად S-მოდელია. იგი აგებულია იმავე დეტალებითა და მახასიათებლების მიხედვით, რომლებიც დიდად არ განსხვავდება წინა წლის მახასიათებლებისაგან.

ახალი მოდელი, ისევე როგორც XS Max მეხსიერების სამ სხვადასხვა ვარიაციას გვთავაზობს: 64/256 და 512GB.

Apple - ს ახალი სმარტფონი იქნება პირველი 7nm ჩიპსეტის მქონე, რომელიც ბაზარზე შემოვა. მას გააჩნია 6 ბირთვი ( 2 დიდი და 4 პატარა) და ასევე 4 ბირთვიანი გრაფიკული პროცესორი ( GPU) დიდი ბირთვები ახლა ბევრად უფრო ( 15% - ით) სწრაფია და 40% - ით უფრო ენერგოეფექტური, ვიდრე წინამორბედი A11 - ის.

5.8 ინჩიანი ეკრანს იგივე გაფართოება აქვს, რაც წინა წლის მოდელს - 1,125 x 2,436px. პიქსელების სიმჭიდროვე ემთხვევა XS Max - ისას.


რაც შეეხება ფერების ვარიაციებს, ამ შემთხვევაში ორივე XS მოდელი ხელმისაწვდომი იქნება სამ ფერში : Silver and Space Gray და Gold.

და ბოლოს, Apple - მ წარმოგვიდგინა Dual Sim -ის მხარდაჭერა თავის ახალ სმარტფონებში. დასავლეთში, ის ხელმისაწვდომი იქნება ე.წ eSIM - ით, რაც შეითავსებს ორმაგი სიმის ფუნქციონალს, ხოლო ჩინეთი მიიღებს სპეციალურ მოდელს, ორი ფიზიკური სიმის სლოტით.

iPhone XS(64GB) ფასი იწყება $1,000 -დან, მაშინ როცა XS Max - ის ღირებულება იქნება 1,100$.

ორივე მათგანი წინასწარი შეკვეთებით ხელმისაწვდომი იქნება 14 სექტემბრიდან, ხოლო გაყიდვაში ჩაეშვება 21 სექტემბერს, ერთი კვირის შემდეგ კი ხელმისაწვდომი იქნება უკვე საქართველოშიც.