წინამდებარე სავაჭრო პოლიტიკაში მოცემულ ტერმინებს აქვს შემდეგი მნიშვნელობა:

• “ვებ-გვერდი” - ნიშნავს www.zoommer.ge, რომლის მეშვეობითაც ხდება საქონლის გაყიდვა ან/და მომსახურების შეთავაზება/განხორციელება;
• "საქონელი" − ნებისმიერი მოძრავი ნივთი, აგრეთვე მასში განთავსებული ან/და ციფრული ფორმით გავრცელებული ქონებრივი სიკეთე;
• “კომპანია“ ან “მოვაჭრე” - შპს “ზუმერი ჯორჯია” (იურიდიული მისამართი: თბილისი, ცაბაძის ქ. #8; ფაქტობრივი მისამართი: თბილისი, აკ. წერეთლის გამზ. #1; საიდენტიფიკაციო ნომერი: 202462717; ელ. ფოსტა: [email protected]; ტელ: 032 260 30 60), რომელიც რეგისტრირებულია საქართველოს კანონმდებლობის შესაბამისად და რომელსაც ეკუთვნის ვებ-გვერდი www.zoommer.ge;
• “მომხმარებელი” - ნებისმიერი ფიზიკური პირი, რომელიც იძენს ან შემდგომ იყენებს საქონელს უპირატესად პირადი მოხმარების მიზნით და არა სავაჭრო, სამეწარმეო, სახელობო ან სხვა პროფესიული საქმიანობის განსახორციელებლად როგორც სარეწში ან სარეწის გარეთ, ასევე "ზუმერის" ვებ-გვერდზე www.zoommer.ge რეგისტრაციის მეშვეობით;
• “მხარეები” - ნიშნავს "ზუმერსა" და მომხმარებელს;
• “ანგარიში” - ნიშნავს მომხმარებლის მიერ "ზუმერის" ვებ-გვერდზე რეგისტრირებულ ანგარიშს;
• “რეგისტრაცია” - ნიშნავს მომხმარებლის მიერ "ზუმერის" ვებ-გვერდზე სპეციალური პროცედურის გავლასა და ანგარიშის შექმნას პროდუქტის შესყიდვის ან/და მომსახურების მიღების მიზნით;
• “ავტორიზაცია” - მომხმარებლის მიერ "ზუმერის" ვებ-გვერდზე რეგისტრირებული ანგარიშის მეშვეობით განხორციელებული ქმედება;
• “დისტანციური ხელშეკრულება” − ხელშეკრულება, რომელიც დადებულია "ზუმერსა" და მომხმარებელს შორის მხოლოდ დისტანციური კომუნიკაციის ერთი ან რამდენიმე საშუალების გამოყენებით, დისტანციური ნასყიდობის ან მომსახურების მიწოდების ორგანიზებული სქემის მეშვეობით და არ მოითხოვს მომხმარებლისა და მოვაჭრის ფიზიკურ თანაყოფობას. ამასთანავე, ხელშეკრულება დისტანციურ ხელშეკრულებად არ მიიჩნევა, თუ მომხმარებელი და "ზუმერი" ხელშეკრულების პირობებზე სარეწში შეთანხმდნენ და ხელშეკრულება დისტანციურად მხოლოდ ამის შემდეგ დაიდო;
• “სარეწი” − ნებისმიერი უძრავი ობიექტი ან მოძრავი ობიექტი, სადაც "ზუმერი", ჩვეულებრივ, კომერციულ საქმიანობას ახორციელებს;
• “საგარანტიო მომსახურება“ - ნიშნავს "ზუმერის" ან მისი კონტრაქტორის მიერ გაყიდვის შემდეგ დაზიანებული საქონლის უფასო და აუცილებელ შეკეთებას საგარანტიო ტალონში მითითებული წესების მიხედვით;
• “პერსონალური მონაცემი” - ნებისმიერი ინფორმაცია, რომელიც უკავშირდება იდენტიფიცირებულ ან იდენტიფიცირებად ფიზიკურ პირს. პირი იდენტიფიცირებადია, როდესაც შესაძლებელია მისი იდენტიფიცირება პირდაპირ ან არაპირდაპირ, კერძოდ, საიდენტიფიკაციო ნომრით ან პირის მახასიათებელი ფიზიკური, ფიზიოლოგიური, ფსიქოლოგიური, ეკონომიკური, კულტურული ან სოციალური ნიშნებით;

"ზუმერი" ვალდებულია მომხმარებელს მიაწოდოს საქონელი დაყოვნების გარეშე, მაგრამ ხელშეკრულების დადებიდან არაუგვიანეს 14 სამუშაო დღისა, თუ ხელშეკრულებით სხვა რამ არ არის გათვალისწინებული და მომხმარებელი ამის თაობაზე ინფორმირებულია და თანახმაა.

იმ შემთხვევაში, თუ "ზუმერმა" ვალდებულება ამ მუხლის პირველი პუნქტით დადგენილ ვადაში არ შეასრულა, მომხმარებელი უფლებამოსილია განუსაზღვროს "ზუმერს" გონივრული დამატებითი ვადა ვალდებულების შესასრულებლად. დამატებითი ვადის გასვლის შემდეგ, ვალდებულების შეუსრულებლობის შემთხვევაში, მომხმარებელს უფლება აქვს, უარი თქვას ხელშეკრულებაზე და მოითხოვოს ზიანის ანაზღაურება საქართველოს სამოქალაქო კანონმდებლობით დადგენილი წესით.

ამ მუხლის მე-2 პუნქტით გათვალისწინებული დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება საქონლის დროულად მიღებას დაუკავშირა. 4. თუ მომხმარებელს საქონელი იმის გამო არ მიეწოდება, რომ იგი ხელმისაწვდომი არ არის, "ზუმერი" ვალდებულია მომხმარებელს დაუყოვნებლივ აცნობოს ამის შესახებ.

"ზუმერი" ვალდებულია გადასცეს მომხმარებელს ხელშეკრულებით გათვალისწინებული პირობების შესაბამისი საქონელი.

საქონელი ხელშეკრულებით გათვალისწინებული პირობების შესაბამის საქონლად მიიჩნევა:

• ა) თუ იგი შეესაბამება "ზუმერის" მიერ მომხმარებლისთვის მიწოდებულ აღწერას და მას აქვს იგივე თვისებები, რომლებიც "ზუმერის" მიერ მომხმარებლისთვის წარდგენილ საქონლის ნიმუშს ჰქონდა;
• ბ) "ზუმერის" მიერ მომხმარებლისთვის მიწოდებული აღწერის არარსებობის შემთხვევაში, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი გამოსადეგია იმ მიზნისთვის, რომლის თაობაზედაც მომხმარებელმა "ზუმერს" ხელშეკრულების დადების დროს აცნობა და რომელსაც "ზუმერი" დაეთანხმა.
• გ) თუ მომხმარებელი "ზუმერს" არ აცნობებს იმ მიზნის თაობაზე, რომლისთვისაც მას სურს საქონლის გამოყენება, მაშინ საქონელი ხელშეკრულებით გათვალსიწნებული პირობების შესაბამისად მიიჩნევა, თუ იგი ვარგისია იმ მიზნით სარგებლობისთვის, რომლისთვისაც იგი ჩვეულებრივ გამოიყენება.

თუ საქონლის ჩვეულებრივი გამოყენების მიზანი ვერ დგინდება, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ მას აქვს ამ სახეობის საქონლის თვისებები და ფუნქციონირებს ისე, როგორც აღნიშნული სახეობის საქონელი, ამასთანავე, რისი გონივრული მოლოდინიც მომხმარებელს შეიძლებოდა ჰქონოდა საქონლის ბუნებიდან და იმ საჯარო განცხადებებიდან გამომდინარე, რომლებიც გააკეთა "ზუმერმა", მწარმოებელმა, მისმა წარმომადგენელმა ან ბაზარზე განთავსებისთვის პასუხისმგებელმა სხვა პირმა, მათ შორის, რეკლამის ან/და ეტიკეტის საშუალებით.

"ზუმერის" მიერ ან მისი პასუხისმგებლობით საქონლის არასწორად დამონტაჟების შედეგად წარმოქმნილი ნაკლი უთანაბრდება საქონლის ხელშეკრულებით გათვალისწინებულ პირობებთან შეუსაბამობას (ნაკლს), თუ საქონლის მონტაჟი ხელშეკრულების ნაწილი იყო. ეს წესი ვრცელდება აგრეთვე იმ საქონელზე, რომელიც მომხმარებელმა უნდა ააწყოს ან დაამონტაჟოს და რომელიც საქონლისთვის დართული ინსტრუქციის ნაკლოვანების გამო არასწორად აიწყო ან დამონტაჟდა.

ამ მუხლის მიზნებისთვის საქონელი ნაკლის მქონე საქონლად არ მიიჩნევა, თუ ხელშეკრულების დადების მომენტში მომხმარებელმა იცოდა ან უნდა სცოდნოდა, რომ საქონელს ნაკლი ჰქონდა.

"ზუმერს" არ დაეკისრება პასუხისმგებლობა საქონლის ან მომსახურების შესახებ საჯარო განცხადებისთვის, თუ:

• ა) მას არ ჰქონდა ან ვერ ექნებოდა ინფორმაცია ამ განცხადების შესახებ;
• ბ) ხელშეკრულების დადებამდე ამ განცხადებაში მოცემული ინფორმაცია შეიცვალა;
• გ) ეს განცხადება ვერ მოახდენდა გავლენას მომხმარებლის მიერ საქონლის ან მომსახურების შეძენაზე.

იმ შემთხვევაში, თუ საქონელი ნაკლის მქონე აღმოჩნდა, მომხმარებელს უფლება აქვს, "ზუმერს" მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, "ზუმერს" მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

საქონლის უსასყიდლოდ შეკეთება ან შეცვლა გულისხმობს "ზუმერის" მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

• ა) თუ გონივრულ ვადაში საქონლის შეკეთება ან შეცვლა შეუძლებელია;
• ბ) "ზუმერმა" საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
• გ) "ზუმერის" მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:

• ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
• ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;
• გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

კომერციული გარანტია არ ზღუდავს კანონისმიერი გარანტიის პირობებს.

კომერციული გარანტიის ფარგლებში, ნივთი შეიცვლება შემდეგ შემთხვევებში:

• თუ ნივთს გახსნისთანავე, ყიდვის მომენტში, "ზუმერი ჯორჯიას" წარმომადგენლის თანდასწრებით დაუფიქსირდა ვიზუალური დეფექტი;*
• თუ შეძენილ ნივთს შეძენიდან 7 (შვიდი) კალენდარული დღის ვადაში აღმოაჩნდა ქარხნული დეფექტი (არ იგულისხმება ვიზუალური დაზიანება და პროგრამული ხარვეზი), და მომხმარებლის მიერ აღნიშნულ ვადაში ნივთი წარდგენილ იქნა შპს "ტექნოლაინში", "ტექნოლაინი" კი შეცვლის აქტით ადასტურებს ნივთის ქარხნულ დეფექტს;
• ნივთის შეცვლა ხდება იგივე ან მეტი (მომხმარებლის მიერ განსხვავების დამატებითი გადახდით) ღირებულების ნივთის გადაცვლით, რომელიც შეცვლის მომენტში "ზუმერი ჯორჯიას" გაყიდვაშია. ნივთის ღირებულება განისაზღვრება მომხმარებლის მიერ მისი შეძენისას გადახდილი ფასიდან.

საგარანტიო მომსახურება გულისხმობს საქართველოს კანონმდებლობის საფუძველზე მომხმარებლის უფლებას, ნივთის შეძენიდან 2 (ორი) წლის განმავლობაში მოითხოვოს მისი უსასყიდლოდ შეკეთება ან შეცვლა ან ხელშეკრულებიდან გასვლა, ფასის შემცირება, თუ საგარანტიო ვადის განმავლობაში ნივთი ნაკლის მქონე აღმოჩნდა. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

მომხმარებელს უფლება აქვს, ისარგებლოს "მომხმარბლის უფლებების დაცვის შესახებ" საქართველოს კანონითა და წინამდებარე სავაჭრო პოლიტიკის მე-4 და მე-5 მუხლებით გათვალისწინებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.

ამ მუხლის მე-2 პუნქტის მოქმედება არ ვრცელდება მეორეული საქონლის ნასყიდობაზე. ასეთი საქონლის ნასყიდობისას ამ მუხლის მე-2 პუნქტით განსაზღვრულ შემთხვევაში "ზემერის" პასუხისმგებლობა მხარეთა შორის ინდივიდუალური შეთანხმების საგანია.

საქართველოს კანონმდებლობისა და ამ პოლიტიკით დადგენილი გამონაკლისების გარდა, მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში. ეს ვადა აითვლება:

• ა) მომსახურების ხელშეკრულების შემთხვევაში − ხელშეკრულების დადებიდან;
• ბ) ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;
• გ) მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;
• დ) საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.

მომხმარებლის მიერ ხელშეკრულებაზე უარის თქმის შემთხვევაში მას არ დაეკისრება არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც მომხმარებელმა "ზუმერის" მიერ შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება აირჩია ან საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან. საქონლის ფასის შემცირების შედეგად წარმოშობილი სხვაობის დაფარვის ვალდებულება მომხმარებელს არ დაეკისრება, თუ "ზუმერმა" მას კანონით გათვალისწინებული ხელშეკრულებაზე უარის თქმის უფლების შესახებ სრული ინფორმაცია არ მიაწოდა.

მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

მომხმარებელი ვალდებულია "ზუმერს" ამ მუხლის პირველი პუნქტით დადგენილ ვადაში გაუგზავნოს შევსებული ფორმა (დანართი 1) ან სხვა ცალსახა მტკიცებულება, რომელიც ასახავს მომხმარებლის გადაწყვეტილებას საქონლის დაბრუნების შესახებ. ამ მუხლით გათვალისწინებული ხელშეკრულებაზე უარის თქმის უფლების დადგენილ ვადაში განხორციელების მტკიცების ტვირთი მომხმარებელს ეკისრება.

მომხმარებელს შეუძლია ხელშეკრულებაზე უარის თქმის უფლება განახორციელოს ამ მუხლის პირველი პუნქტით დადგენილ ვადაში, თუ მან ხელშეკრულებაზე უარის თქმის შესახებ შეტყობინება "ზუმერს" აღნიშნული ვადის ამოწურვამდე გაუგზავნა. იმის მტკიცების ტვირთი, რომ ხელშეკრულებაზე უარის თქმის უფლება ამ მუხლის შესაბამისად განხორციელდა, მომხმარებელს ეკისრება.

თუ "ზუმერი" მომხმარებელს არ მიაწვდის ინფორმაციას ამ კანონით გათვალისწინებული საქონლის ან მომსახურების დაბრუნების უფლების შესახებ, აღნიშნული საქონლის ან მომსახურების დაბრუნება შესაძლებელია ამ მუხლის პირველი პუნქტით დადგენილი ვადის გასვლიდან 12 თვის განმავლობაში.

თუ "ზუმერმა" მომხმარებელს ამ მუხლის პირველი პუნქტით დადგენილი ვადის ათვლის მომენტიდან 12 თვის ვადაში მიაწოდა ინფორმაცია ხელშეკრულებაზე უარის თქმის უფლების შესახებ, საქონლის ან მომსახურების დაბრუნების 7-დღიანი ვადა აღნიშნული ინფორმაციის მიღებიდან აითვლება.

მომხმარებელს არ აქვს უფლება, უარი თქვას ხელშეკრულებაზე, თუ:

• ა) "ზუმერმა" ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;
• ბ) ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც "ზუმერი" ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა;
• გ) მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;
• დ) მიწოდებული საქონელი მალფუჭებადია ან მას მოკლე ვარგისობის ვადა აქვს;
• ე) მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
• ვ) მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;
• ზ) მიწოდებულ იქნა დალუქული აუდიო- ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;
• თ) მას ციფრული შინაარსი მიეწოდა არამყარი მატარებლით, ხელშეკრულების შესრულება მომხმარებლის წინასწარი თანხმობით დაიწყო და მომხმარებელმა იცოდა, რომ ამით დაკარგავდა ხელშეკრულებაზე უარის თქმის უფლებას;

ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ან სარეწის გარეთ დადებული ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ.

2. ხელშეკრულებაზე უარის თქმის შემთხვევაში "ზუმერი" ვალდებულია:

• ა) მომხმარებელს გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა. "ზუმერი" ვალდებული არ არის, მომხმარებელს დაუბრუნოს იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია მომხმარებლის მიერ არასტანდარტული ან "ზუმერი" მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან;
• ბ) თანხა აანაზღაუროს გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს და მას დამატებითი ხარჯი არ წარმოეშობა.

ნასყიდობის ხელშეკრულებაზე უარის თქმის შემთხვევაში "ზუმერს" უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც "ზუმერმა" თავად იკისრა საქონლის უკან წაღება.

ხელშეკრულებაზე უარის თქმის შემთხვევაში მომხმარებელი ვალდებულია:

• ა) "ზუმერს" ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც "ზუმერმა" თავად იკისრა საქონლის უკან წაღება;
• ბ) გასწიოს მხოლოდ საქონლის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც "ზუმერმა" თავად იკისრა ამ ხარჯის გაწევა ან მომხმარებელს არ მიაწოდა ინფორმაცია იმის შესახებ, რომ საქონლის დაბრუნების შემთხვევაში ეს ხარჯი წარმოიშობოდა. სარეწის გარეთ დადებული ხელშეკრულების შემთხვევაში, როდესაც საქონელი მომხმარებელს სახლში მიეწოდება, "ზუმერი" ვალდებულია საქონელი საკუთარი ხარჯით წაიღოს უკან, თუ, საქონლის ბუნებიდან გამომდინარე, მისი ფოსტით გაგზავნა შეუძლებელია.

9.1. ონლაინ პლატფორმის მეშვეობით განხორციელებული შეკვეთის უსაფრთხოდ გაცემის, მომხმარებლის ინტერესების დაცვისა და თაღლითური ქმედებების პრევენციის მიზნით, შეკვეთის ფიზიკურად გაცემამდე ხორციელდება შემკვეთის და შეკვეთის უშუალოდ (გამტანი) პირის იდენტიფიცირება.

9.2. შეკვეთის გაცემის წესები განსხვავდება მიმღები პირის მოქალაქეობისა და იმ გარემოების გათვალისწინებით, უშუალოდ შემკვეთი იბარებს შეკვეთას თუ მის მიერ უფლებამოსილი მესამე პირი.

9.3. საქართველოს მოქალაქეების შემთხვევაში, როდესაც ნივთის შემკვეთი და მიმღები (გამტანი) ერთი და იგივე პირია: მომხმარებლის იდენტიფიცირება ხორციელდება პირადობის დამადასტურებელი დოკუმენტის ან მასში არსებული მონაცემების წარდგენით.

ბ) იდენტიფიკაციის შემდგომ მომხმარებელი ხელმოწერით, სახელი და გვარის გარკვევით მითითებით, ადასტურებს ნივთების ჩაბარებას.

9.4. საქართველოს მოქალაქეების შემთხვევაში, როდესაც ნივთის მიმღები (გამტანი) არის მესამე პირი:

ა) მოწმდება შეკვეთაში დაფიქსირებული მესამე პირზე გაცემის ინფორმაცია, რის შემდეგაც ხდება მიმღები პირის იდენტიფიცირება.

ბ) მესამე პირის იდენტიფიცირება ხორციელდება პირადობის დამადასტურებელი დოკუმენტის ან მასში არსებული მონაცემების წარდგენით.

გ) მომხმარებლის იდენტიფიცირების შემდგომ, რეალიზაციის დოკუმენტის დაბეჭდვისას, საქონლის გამტანი პირის მიერ ხდება შესაბამისი მონაცემების (სახელი, გვარი, პირადი ნომერი, მობილურის ნომერი) და ხელმოწერის დაფიქსირება.

9.4. საქართველოს მოქალაქეების შემთხვევაში, როდესაც ნივთის მიმღები (გამტანი) არის მესამე პირი:

ა) მოწმდება შეკვეთაში დაფიქსირებული მესამე პირზე გაცემის ინფორმაცია, რის შემდეგაც ხდება მიმღები პირის იდენტიფიცირება.

ბ) მესამე პირის იდენტიფიცირება ხორციელდება პირადობის დამადასტურებელი დოკუმენტის წარდგენით, დოკუმენტის ფოტოსურათის ჩვენებით ან პირადი ნომრის კარნახით .

გ) იბეჭდება რეალიზაციის დოკუმენტი, რომელზეც (მყიდველის გრაფის ქვემოთ, თავისუფალ ადგილზე) შეკვეთის მიმღები უფლებამოსილი პირი გარკვევით უთითებს შემდეგ მონაცემებს: სახელი და გვარი, პირადი ნომერი, მობილური ტელეფონის ნომერი და ადასტურებს ხელმოწერით.

9.5. უცხო ქვეყნის მოქალაქეების შემთხვევაში:

ა) უცხო ქვეყნის მოქალაქეთა იდენტიფიკაციისთვის აუცილებელი და სავალდებულოა პირადობის დამადასტურებელი დოკუმენტის (პასპორტი/პირადობის მოწმობა) ან მისი ფოტოსურათის ფიზიკურად წარდგენა.

ბ) ფიზიკური დოკუმენტის წარდგენის შემთხვევაში, „ზუმერი“ იღებს უფლებას დაიტოვოს დოკუმენტის ასლი, დაბეჭდოს და დაურთოს დოკუმენტაციას.

გ) პარალელურად, მიმღები პირი ვალდებულია რეალიზაციის დოკუმენტზე გარკვევით მოაწეროს ხელი.

9.6. შეკვეთის მიმღები პირის მიერ რეალიზაციის დოკუმენტზე შესრულებული ხელმოწერა და მოთხოვნილი მონაცემების დაფიქსირება ითვლება შეკვეთის მიღების ფაქტის დადასტურებად და „ზუმერის“ მიერ ვალდებულების სრულყოფილად შესრულებად.

9.7. მომხმარებლის უსაფრთხოების, თაღლითური ქმედების პრევენციისა და საგადასახადო კანონმდებლობით გათვალისწინებული ვალდებულებების შესრულების მიზნით, შეგროვებული მონაცემები (მათ შორის რეალიზაციის დოკუმენტები, დაფიქსირებული მონაცემები და უცხო ქვეყნის მოქალაქეთა პირადობის ასლები) ინახება ელექტრონული ან/და მატერიალური ფორმით, 3 წლის ვადით შეკვეთის გაცემის დღიდან (გარდა იმ შემთხვევისა, როდესაც საქართველოს კანონმდებლობით ან დავის/სამართლებრივი წარმოების ფარგლებში აუცილებელია მათი უფრო ხანგრძლივად შენახვა).

9.8. შენახვის ვადის გასვლის შემდეგ „ზუმერი“ უზრუნველყოფს მონაცემების უსაფრთხო წაშლას/განადგურებას. აღნიშნულ მონაცემებზე წვდომა აქვთ მხოლოდ იმ უფლებამოსილ თანამშრომლებს, რომელთაც ეს სამსახურებრივი ვალდებულებების შესასრულებლად ესაჭიროებათ.

1.1. „Pre-Order“ ("წინასწარი შეკვეთა") წარმოადგენს მომხმარებლისთვის შეთავაზებულ შესაძლებლობას, წინასწარ შეუკვეთოს პროდუქტი, რომელიც შეკვეთის განთავსების მომენტში შესაძლოა არ იყოს კომპანიის ფიზიკურ მარაგში და რომლის მარაგში მიღება მოსალოდნელია მომავალში.

1.2. Pre-Order-ის სტატუსის მქონე პროდუქტი ვებგვერდზე მონიშნულია შესაბამისი აღნიშვნით - “Pre-Order” / “წინასწარი შეკვეთა”. / “წინასწარ ყიდვა”

1.3. Pre-Order-ის ხელმისაწვდომობა, მოქმედების პერიოდი, ფასი, წინასწარ გადასახდელი თანხა , სავარაუდო მიწოდების პერიოდი და სხვა დამატებითი პირობები შეიძლება განსხვავდებოდეს კონკრეტული პროდუქტის მიხედვით.

1.4. კონკრეტულ პროდუქტთან დაკავშირებული სპეციალური Pre-Order პირობები მომხმარებლისთვის ხელმისაწვდომია პროდუქტის გვერდზე და წარმოადგენს წინამდებარე წესებისა და პირობების განუყოფელ ნაწილს.

2.1. Pre-Order-ის განთავსებისას მომხმარებელს შესაძლოა მოეთხოვოს პროდუქტის ღირებულების ნაწილის ან პროდუქტის სრული ღირებულების წინასწარ გადახდა.

2.2. წინასწარ გადასახდელი თანხის ოდენობა კომპანიის მიერ შესაძლებელია განისაზღვროს როგორც პროდუქტის ღირებულების პროცენტული წილით ან ფიქსირებული თანხით. კონკრეტული პროდუქტის შემთხვევაში მოქმედი წინასწარი გადასახადის ოდენობა მომხმარებლისთვის ნაჩვენები იქნება შეკვეთის გაფორმებამდე.

2.3. ნაწილობრივი გადახდის შემთხვევაში მომხმარებელს შეკვეთის გაფორმებამდე მიეწოდება ინფორმაცია:

• პროდუქტის სრული ღირებულების შესახებ;
• წინასწარ გადასახდელი თანხის შესახებ;
• დარჩენილი გადასახდელი თანხის შესახებ;
• სავარაუდო მიწოდების პერიოდის შესახებ.

2.4. Pre-Order დადასტურებულად ითვლება წინასწარ გადასახდელი თანხის წარმატებით გადახდისა და კომპანიის მიერ შეკვეთის დადასტურების შემდეგ.

2.5. Pre-Order-ის წარმატებით დადასტურების მომენტში ფიქსირდება პროდუქტის სრული ფასი. შემდგომში ვებგვერდზე აღნიშნული პროდუქტის ფასის ცვლილება არ ცვლის უკვე დადასტურებული Pre-Order-ის სრულ ღირებულებას, გადახდილ თანხას ან დარჩენილ გადასახდელ თანხას.

2.6. შეკვეთის გაფორმებისას გამოყენებული ფასდაკლება ან პრომოკოდი, ასეთის არსებობის შემთხვევაში, აისახება შესაბამის Pre-Order შეკვეთაში და მისი პირობები უცვლელი რჩება, გარდა მომხმარებელთან სხვაგვარი შეთანხმებისა ან კანონმდებლობით გათვალისწინებული შემთხვევებისა.

3.1. Pre-Order პროდუქტისთვის მითითებული მიწოდების თარიღი ან პერიოდი წარმოადგენს სავარაუდო მიწოდების პერიოდს.

3.2. პროდუქტის მიწოდების პერიოდი შესაძლებელია შეიცვალოს კომპანიისგან დამოუკიდებელი ან სხვა ობიექტური გარემოებების გამო, მათ შორის მწარმოებლის, მომწოდებლის, საერთაშორისო ან ადგილობრივი ტრანსპორტირების, საბაჟო პროცედურების ან სხვა ლოგისტიკური გარემოებების გამო.

3.3. სავარაუდო მიწოდების პერიოდის ცვლილების შემთხვევაში კომპანია მომხმარებელს გონივრულ ვადაში აცნობებს განახლებულ სავარაუდო პერიოდს მის მიერ მითითებული საკომუნიკაციო არხის საშუალებით.

3.4. განახლებული სავარაუდო მიწოდების პერიოდი ასევე აისახება მომხმარებლის შეკვეთის დეტალებში.

3.5 მიწოდების პერიოდის ცვლილება არ ზღუდავს მომხამრებლის იმ უფლებებს, რომლებიც მას მოქმედი კანონმდებლობით, ვებ-გვერდის სარგებლობის წესებითა და წინამდებარე პირობებით აქვს მინიჭებული.

4.1. თუ მომხმარებელმა Pre-Order-ის განთავსებისას გადაიხადა მხოლოდ ნივთის/ნივთების ღირებულების ნაწილი, პროდუქტის მარაგში მიღების შემდეგ მას ეცნობება დარჩენილი გადასახდელი თანხისა და მისი გადახდის ვადის შესახებ.

4.2. დარჩენილი თანხა სრულად უნდა იქნეს გადახდილი პროდუქტის მომხმარებლისთვის გაგზავნამდე ან კომპანიის ფილიალიდან გატანამდე.

4.3. მომხმარებელს დარჩენილი თანხის გადასახდელად გაეგზავნება შესაბამისი შეტყობინება და/ან გადახდის ბმული.

4.4. მომხმარებლისთვის განსაზღვრული გადახდის ვადა გამოჩნდება შეკვეთის დეტალებში ან მიეთითება შესაბამის შეტყობინებაში.

5.1. თუ მომხმარებელი განსაზღვრულ ვადაში არ გადაიხდის დარჩენილ თანხას, კომპანიას უფლება აქვს მომხმარებელს გაუგზავნოს შესაბამისი შეხსენება და, საჭიროების შემთხვევაში, განუსაზღვროს დამატებითი გონივრული ვადა.

5.2. თუ მომხმარებელი დარჩენილ თანხას არც დამატებით განსაზღვრულ ვადაში გადაიხდის, კომპანიას უფლება აქვს გააუქმოს Pre-Order და მომხმარებლისთვის გამოყოფილი პროდუქტი ხელმისაწვდომი გახადოს სხვა მომხმარებლებისთვის.

5.3. ამ მუხლით გათვალისწინებული საფუძვლით გაუქმების შემთხვევაში წინასწარ გადახდილი თანხის დაბრუნება ან მომხმარებლის სურვილით სხვა სახით დამუშავება განხორციელდება ვებგვერდით სარგებლობის წესების და პირობების და მოქმედი კანონმდებლობის შესაბამისად.

5.4. კომპანია უფლებამოსილია, კონკრეტული გარემოებების გათვალისწინებით, მომხმარებელს გაუგრძელოს დარჩენილი თანხის გადახდის ვადა.

6.1. მომხმარებელს უფლება აქვს მოითხოვოს Pre-Order-ის გაუქმება პროდუქტის მიღებამდე, ვებ-გვერდით სარგებლობის წესების და პირობების და მოქმედი კანონმდებლობის შესაბამისად.

6.2. მომხმარებლის მიერ ხელშეკრულებაზე უარის თქმის ან Pre-Order-ს კანონით ან წინამდებარე პირობებით გათვალისწინებულ შემთხვევაში გაუქმებისას ან თუ კომპანია ვერ უზრუნველყოფს წინასწარ შეკვეთილი პროდუქტის მოწოდებას, შესაბამისი Pre-Order გაუქმდება და მომხმარებელს სრულად დაუბრუნდება აღნიშნული შეკვეთის ფარგლებში მის მიერ წინასწარ გადახდილი თანხა მოქმედი კანონმდებლობისა და ვებ-გვერდის წესებითა და პირობებით განსაზღვრული წესითა და ვადებში.

6.3. პროდუქტის ვერ მოწოდების შემთხვევაში მომხმარებელს შესაბამისი ინფორმაცია მიეწოდება მის მიერ მითითებული საკომუნიკაციო არხის საშუალებით.

7.1. Pre-Order-ის განთავსებამდე მომხმარებელი ვალდებულია გაეცნოს როგორც წინამდებარე წესებს, ასევე კონკრეტული პროდუქტის გვერდზე მითითებულ Pre-Order-ის სპეციალურ პირობებს.

7.2. Pre-Order-ის განთავსებამდე მომხმარებელი შესაბამისი მონიშვნით ადასტურებს, რომ ეთანხმება Pre-Order-ით სარგებლობის წესებსა და პირობებს.

7.3. აღნიშნული თანხმობის გარეშე მომხმარებელი ვერ შეძლებს Pre-Order შეკვეთის დასრულებას.

7.4. Pre-Order-ის განთავსებით მომხმარებელი ადასტურებს, რომ მისთვის შეკვეთის გაფორმებამდე გასაგებად იყო ნაჩვენები პროდუქტის სრული ფასი, მიმდინარე ეტაპზე გადასახდელი თანხა, დარჩენილი გადასახდელი თანხა, სავარაუდო მიწოდების პერიოდი და შეკვეთისთვის მოქმედი დამატებითი პირობები.

8.1. კონკრეტულ Pre-Order პროდუქტზე შესაძლებელია მოქმედებდეს დამატებითი ან განსხვავებული პირობები, მათ შორის წინასწარ გადასახდელი თანხის ოდენობასთან, მიწოდების პერიოდთან ან დარჩენილი თანხის გადახდის ვადასთან დაკავშირებით.

8.2. ასეთი სპეციალური პირობები მომხმარებელს მიეწოდება შესაბამისი პროდუქტის გვერდზე და/ან შეკვეთის გაფორმების პროცესში, შეკვეთის განთავსებამდე.

8.3. კონკრეტული Pre-Order პროდუქტის სპეციალურ პირობებსა და წინამდებარე ზოგად Pre-Order პირობებს შორის განსხვავების არსებობის შემთხვევაში, კონკრეტულ პროდუქტზე ვრცელდება მომხმარებლისთვის შეკვეთის განთავსებამდე მკაფიოდ მიწოდებული სპეციალური პირობები, იმ პირობით, რომ ისინი არ ეწინააღმდეგება მოქმედი კანონმდებლობის იმპერატიულ მოთხოვნებს.

1.1 წინამდებარე პოლიტიკის მიხედვით, პერსონალურ მონაცემთა დამუშავების სუბიექტი ხართ თქვენ, როდესაც თქვენ მიიღეთ გადაწყვეტილება შპს “ზუმერი ჯორჯიას” ვებ-გვერდის მეშვეობით განახორციელოთ კომპანიის ვებ-გვერდზე www.zoommer.ge განთავსებული პროდუქტის ონლაინ შეძენა ან/და მოითხოვოთ სხვა მომსახურების გაწევა.

1.2 თქვენი პერსონალური მონაცემების დამმუშავებელი არის: შპს “ზუმერი ჯორჯია” იურიდიული მისამართი: თბილისი, ცაბაძის ქ. #8 საიდენტიფიკაციო ნომერი: 202462717 ვებგვერდი: www.zoommer.ge ელ. ფოსტა: [email protected]

2.1 ჩვენ ვამუშავებთ თქვენს პერსონალურ მონაცემებს მხოლოდ თქვენს მიერ ჩვენს ვებ-გვერდზე www.zoommer.ge პროდუქტის შეძენის ან/და მომსახურების განხორციელების მოთხოვნის შემთხვევაში. თქვენს მიერ ჩვენი ვებ-გვერდის ვიზიტის, ასევე თქვენს მიერ ცალკეული საქონლის მახასიათებლების დათვალიერების შემთხვევებში, კომპანია “ზუმერი ჯორჯია“ არ ამუშავებს თქვენს პერსონალურ მონაცემებს.

2.2 თქვენი პერსონალური მონაცემები შესაძლებელია დამუშავებულ იქნეს თქვენთვის პროდუქტის მიწოდების და მიწოდების პრობლემების შემთხვევაში, ასევე თქვენი საჩივრებისა და თქვენს მიერ შეძენილი პროდუქტის საგარანტიო პრეტენზიების დასამუშავებლად. გარდა ამისა, თქვენი პერსონალური მონაცემები დამუშავდება იმის უზრუნველსაყოფად, რომ თქვენ მიაღწიეთ ონლაინ შეძენისათვის კანონმდებლობით დადგენილ სავალდებულო მინიმალურ ასაკს.

3.1 თქვენს მიერ ვებ-გვერდის მეშვეობით პროდუქტის ონლაინ შეძენის ან/და მომსახურების გაწევის მოთხოვნის მიზნით, შპს “ზუმერი ჯორჯია” ახორციელებს შემდეგი პერსონალური მონაცემების დამუშავებას: სახელი, გვარი, პირადი ნომერი, ელ. ფოსტა, მობილურის ნომერი, დაბადების თარიღი, საქონლის მიწოდების ადგილის მისამართი და ქვეყანა.

3.2 “ზუმერი ჯორჯიას” მიერ ვებგვერდის მეშვეობით არ ხორციელდება განსაკუთრებული კატეგორიის, ბიომეტრიული და გენეტიკური მონაცემების დამუშავება. ჩვენ არ ვამუშავებთ თქვენს პერსონალურ მონაცემებს, რომელიც დაკავშირებულია საბანკო ოპერაციების წარმოებასთან, მაგალითად, როგორიცაა ბარათითი გადახდა, ინტერნეტ განვადება, საბანკო გადარიცხვა. აღნიშნული ოპერაციების განხორციელების შემთხვევაში თქვენი პერსონალური მონაცემების დამუშავება განხორციელდება შესაბამისი საფინანსო დაწესებულების მიერ.

4.1 ზუმერი ჯორჯიას ვებ-გვერდის მეშვეობით ონლაინ შეძენის განხორციელების ან/და მომსახურების გაწევის მოთხოვნის შემთხვევაში, თქვენი პერსონალური მონაცემები შესაძლებელია გადაცემულ იქნეს “ზუმერი ჯორჯიას” ქვეკონტრაქტორებისათვის, მიმწოდებლებისათვის, საკურიერო მომსახურების გამწევი კომპანიებისათვის (მაგალითად, როგორიცაა საქართველოს ფოსტა, DHL, TNT და სხვა) ან სხვა შვილობილო კომპანიებისათვის, რამდენადაც ეს აუცილებელია თქვენთან გაფორმებული ხელშეკრულებით ნაკისრი ვალდებულებების შესასრულებლად.

5.1 თქვენი პერსონალური მონაცემების შენახვა განხორციელდება მხოლოდ თქვენს მიერ ანგარიშის გახსნის შემთხვევაში და მათი შენახვა ხდება იმ ვადით, რამდენადაც არსებობს რეგისტრირებული ანგარიში. თქვენი პერსონალური მონაცემები წაიშლება, როგორც კი გაუქმდება თქვენი ანგარიში. გარდა ამისა, მონაცემები წაიშლება, თუ თქვენ გააუქმებთ თქვენს მიერ გაცემულ თანხმობას პერსონალურ მონაცმეთა დამუშავებაზე ან თქვენ მოითხოვთ პერსონალური მონაცემების წაშლას და მონაცემთა “ზუმერი ჯორჯია” კანონმდებლობის მოთხოვნების მიხედვით არ საჭიროებს მონაცემთა შენახვას.

6.1 თქვენ, როგორც პერსონალურ მონაცემთა სუბიექტს, უფლება გაქვთ მოითხოვოთ:

• ინფორმაცია თქვენი პერსონალური მონაცემების დამუშავებაზე “ზუმერი ჯორჯიას” უფლებამოსილი პირების შესახებ;
• თქვენი პერსონალური მონაცემების დამუშავების მიზანი და სამართლებრივი საფუძველი;
• ინფორმაცია თქვენი პერსონალურ მონაცემების მესამე პირებისათვის გადაცემის შესახებ;
• პერსონალური მონაცემების დამუშავების შესახებ თქვენს მიერ გაცემული თანხმობის გაუქმება;
• არასწორი ან არასრულყოფილი პერსონალური მონაცემების განახლება და შესწორება;
• თქვენი პერსონალური მონაცემების წაშლა და განადგურება. ეს უფლება არ არის აბსოლუტური და შეიძლება განხორციელდეს მხოლოდ განსაზღვრულ შემთხვევებში;
• გასაჩივრების უფლება. “ზუმერი ჯორჯიას” მიერ თქვენი პერსონალურ მონაცემების დამუშავების წესის დარღვევის შემთხვევაში, თქვენ უფლება გაქვთ მიმართოთ საქართველოს სახელმწიფო ინსპექტორის სამსახურს (მის: თბილისი, ნ. ვაჩნაძის ქ. #7, ელ. ფოსტა: [email protected]) ან თბილისის საქალაქო სასამართლოს (მის: თბილისი, დავით აღმაშენებლის ხეივანი N64, ელ. ფოსტა: [email protected]) და გაასაჩივროთ “ზუმერი ჯორჯიას” მიერ თქვენი პერსონალური მონაცემების დამუშავება. თქვენ უფლება გაქვთ, საქმის განმხილველ ორგანოს მოსთხოვოთ თქვენი პერსონალური მონაცემების დაბლოკვა გადაწყვეტილების გამოტანამდე;

7.1 “ზუმერი ჯორჯია” პასუხისმგებელია, რომ მიიღოს ყველა ორგანიზაციული და ტექნიკურ ზომები და შეასრულოს საქართველოს კანონმდებლობით დადგენილი მოთხოვნები იმისათვის, რომ უზრუნველყოფილ და დაცულ იქნეს თქვენი პერსონალური მონაცემები შემთხვევითი ან უკანონო განადგურებისაგან, შეცვლისაგან, გამჟღავნებისაგან, მოპოვებისაგან, ნებისმიერი სხვა ფორმით უკანონო გამოყენებისა და შემთხვევითი ან უკანონო დაკარგვისაგან.

8.1 ზუმერი ჯორჯიას მიერ თქვენი პერსონალური მონაცემების დამუშავების სამართლებრივი საფუძველი არის “პერსონალურ მონაცემთა დაცვის შესახებ” საქართველოს კანონი და “კონვენცია პერსონალური მონაცემების ავტომატური დამუშავებისას ფიზიკური პირების დაცვის შესახებ”.

8.2 გთხოვთ გაითვალისწინოთ, რომ თქვენ არც კანონით და არც ხელშეკრულებით არ ხართ ვალდებული მოგვაწოდოთ თქვენი პერსონალური მონაცემები. მხოლოდ მათზე მიუწვდომლობამ შესაძლებელია გამოიწვიოს ის, რომ თქვენ ვერ შესძლებთ ან სრული მოცულობით ვერ შესძლებთ ზუმერი ჯორჯიას ვებ-გვერდის მეშვეობით პროდუქტის ონლაინ შეძენას ან/და სხვა მომსახურების მიღებას.